سەنات وتىرىسىنىڭ كۇن ءتارتىبى بەلگىلەندى

سەنات بيۋروسى جوعارعى پالاتانىڭ 2016 جىلعى 28 قاڭتاردا بولاتىن كەزەكتى وتىرىسىنىڭ كۇن ءتارتىبىن كەلىستى, دەپ حابارلادى سەناتتىڭ ءباسپاسوز قىزمەتى. سەنات قازاقستان رەسپۋبليكاسى كونستيتۋتسيالىق كەڭەسىنىڭ مۇشەسى ا.جايىلعانوۆانىڭ وكىلەتتىگىن توقتاتۋ تۋرالى, سونداي-اق, حالىق­ارالىق ءۇش قۇجاتتى راتيفيكاتسيالاۋ تۋرالى ماسەلەنى قارايدى. سەناتورلار قازاقستان رەس­پۋبليكاسى مەن چەح رەسپۋب­ليكاسى اراسىنداعى تابىس پەن كاپي­تالعا سالىناتىن سالىققا قاتىس­تى قوسارلانعان سالىق سالۋدى بولدىرماۋ جانە سالىق تولەۋ­دەن جالتارۋعا جول بەرمەۋ تۋرالى كونۆەنتسياعا وزگەرىستەر مەن تولىقتىرۋلار ەنگىزۋ تۋرالى حاتتامانى, قازاقستان رەسپۋبليكاسى مەن حالىقارالىق قايتا قۇرۋ جانە دامۋ بانكى (ەنەرگيا تيىمدىلىگىن ارتتىرۋ جانە جاستار كورپۋسىن دامىتۋ باعدارلاماسى ءۇشىن ءبىر دونوردىڭ تراست قورى اكىمشىسى رەتىندە ارەكەت ەتۋشى) اراسىنداعى گرانت تۋرالى كەلىسىمدى (جاستار كور­پۋسىن دامىتۋ جوباسى) جانە قازاقستان رەسپۋبليكاسى مەن ءۇندىستان رەسپۋبليكاسى ارا­سىنداعى سوتتالعان ادامداردى بەرۋ تۋرالى كەلىسىمدى راتيفيكاتسيالاۋ تۋرالى زاڭ جوبالارىن تالقىلايدى. بيۋرودا ءماجىلىس ماقۇلداعان ءۇش زاڭ جوباسى سەنات كوميتەتتەرىنە ءبولىنىپ بەرىلدى. ودان باسقا, سەنات رەگلامەنتىنە سايكەس, ءماجىلىستىڭ تاراۋىنا باي­لانىستى تومەنگى پالاتا اپپارا­تىنان سۇراتىپ الىنعان 20 زاڭ جوباسى بويىنشا سەنات قاۋلىسىمەن باس كوميتەتتەر بەلگىلەندى.