ەلوردالىق گيدتەرگە قالا سەرىكتەسى مارتەبەسى بەرىلەدى

استانا. 26 قاڭتار. استانادا گيد-ەكسكۋرس جۇرگىزۋشى مامانداردى «Recommended by EXPO-2017» سەرىكتەستىك باعدارلاماسىنا ەنگىزۋ جونىندەگى جۇمىس توبىنىڭ وتىرىسى ءوتتى. بۇل تۋرالى استانا قالاسى اكىمدىگىنىڭ رەسمي سايتى astana.gov.kz-كە سىلتەمە جاساعان egemen.kz ءتىلشىسى حابارلادى. ەلوردالىق گيدتەرگە قالا سەرىكتەسى مارتەبەسىن بەرۋ باعدارلاماسىنىڭ نەگىزگى ماقساتى شىنايى اقپاراتتى ۇسىنۋ قىزمەتىنىڭ ساپاسىن ارتتىرۋ بولىپ تابىلادى. باعدارلامانى ىسكە اسىرۋ شەتەلدىك قوناقتارعا استانا مەن قازاقستان تۋرالى بارلىق قاجەتتى اقپاراتتى حالىقارالىق ستاندارتتار تالاپتارىنا ساي ەكسكۋرسيا جۇرگىزۋشىلەردەن الۋعا مۇمكىندىك بەرەدى. «سەرىكتەستىك مارتەبەسى استانا قالاسىنىڭ كەپىلى جانە گيدتىڭ بارىنشا ساپالى قىزمەت كورسەتۋىنىڭ بەلگىسى. ءبىز باعدارلاما اياسىندا بارلىق قويىلعان تالاپتارعا ساي كەلەتىن گيدتەردىڭ بىرىڭعاي ءتىزىمىن جاسايمىز. ولار دۇرىس ءارى شىنايى اقپارات ۇسىناتىن بولادى, شەت تىلدەرىن جاقسى مەڭگەرەدى جانە تاعى باسقا دا ارتىقشىلىقتارى بولادى», – دەيدى «استانا كونۆەنش بيۋرو» وكىلى اينۇر ءجانابىلوۆا. تالقىلاۋدىڭ قورىتىندىسى بويىنشا جۇمىس توبىنا قاتىسۋشىلار – «Recommended by EXPO-2017» باعدارلاماسىن ۇيىمداستىرۋشىلار, تۋريزم سالاسىنىڭ, ەلوردانىڭ ءبىلىم جانە مادەنيەت مەكەمەلەرىنىڭ وكىلدەرى – گيد-ەكسكۋرسيا جۇرگىزۋشىلەردى باعالاۋ بويىنشا ءتيىستى تالاپتار ازىرلەدى. بۇل ۇسىنىستاردى «Recommended by EXPO-2017» باعدارلاماسىنىڭ كوميسسياسى قارايدى. باعدارلاماعا قاتىسقىسى كەلگەندەر ءوتىنىمدى جەكە جانە ۇيىمنىڭ اتىنان ۇسىنا الادى. ەلامان قوڭىر. دەرەك, سۋرەت: astana.gov.kz.