وتكەن جىلدىڭ كۇز ايىندا الماتى قالاسىنان كەلىپ, اۋە ساناعىن جۇرگىزگەن زوولوگيا ينستيتۋتىنىڭ عىلىمي قىزمەتكەرلەرى ماڭعىستاۋدا 2000-عا جۋىق كيىك, 1000-نان استام قاراقۇيرىق بار دەپ ۇيعاردى. ال 60-70 پايىزى قىزىلساي مەملەكەتتىك وڭىرلىك پاركى تابيعات كەشەنىنىڭ اۋماعىندا بولىپ تابىلاتىن ارقارلاردىڭ سانى 1500-گە جۋىقتاعان.
قۇرامىندا قىزىلساي, جابايۇشقان, ادامتاس, ەسەت, كولەڭكەلى, ماناشى سەكىلدى جەتى قورىق بار اتالمىش وڭىرلىك پارك 2012 جىلى قۇرىلعان. قورىق ماماندارى وسى پارك اشىلعان سوڭ ارقارلاردىڭ كوبەيە باستاعانىن ايتادى. ياعني, تابيعاتتىڭ, جەردىڭ جاعدايىنا بايلانىستى كوشىپ جۇرەتىن تۇياقتى اڭنىڭ نەگىزگى دەنى قىزىلساي وڭىرلىك تابيعي پاركىنىڭ اۋماعىنا بۇرىنعى ءۇستىرت قورىعىنىڭ اۋماعىن مەكەندەگەندەر بولىپ تابىلادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
