الەم نازارىنداعى ماسەلەلەر ءسوز بولدى

كەشە قازاقستان رەسپۋبليكاسى پارلامەنتى ءماجىلىسى توراعاسىنىڭ ورىنباسارى جانىبەك كارىبجانوۆ بىرىككەن ۇلتتار ۇيىمىنىڭ ارنايى وكىلى, ورتالىق ازيا مەملەكەتتەرىنە ارنالعان پرەۆەنتيۆتىك ديپلوماتيا­نىڭ وڭىرلىك ورتالىعىنىڭ باسشىسى ميروس­لاۆ ەنچانى قابىلدادى, دەپ حابارلادى ءماجىلىستىڭ ءباسپاسوز قىزمەتى. كەزدەسۋدە الەم قاۋىمداستىعى ەر­ەكشە اتاپ ءوتىپ وتىرعان, كەشە استانادا بولعان حالىقارالىق يادرولىق سىناق­تارعا قارسى ءىس-قيمىل كۇنىنە ارنالعان حالىقارالىق كونفەرەنتسيا جونىندە ايتىلدى. وتكەن جىلى قازاقستان رەس­پۋبليكاسىنىڭ پرەزيدەنتى نۇرسۇلتان نازارباەۆتىڭ باستاماسى بويىنشا 29 تامىز يادرولىق سىناقتارعا قارسى ءىس-قيمىلدىڭ حالىقارالىق كۇنى بولىپ بەل­گىلەنگەنى جانە بۇل تۋرالى بۇۇ باس اس­سامبلەياسىنىڭ قارارى قابىل­دان­عا­نى ءمالىم. وسى ورايدا كەزدەسۋدە قا­زاق­­ستان پرەزيدەنتى نۇرسۇلتان نازار­باەۆ­تىڭ جانە بۇۇ باس حاتشىسى پان گي مۋننىڭ ۇستىمىزدەگى جىلى ەلىمىزگە كەلگەن ساپارى, بۇرىنعى پوليگون اي­ماعىندا بولىپ, الەم قاۋىمداستىعىن تولىق يادرولىق قارۋسىزدانۋ جولىندا ايتقان پىكىرلەرىنىڭ ماڭىزدىلىعى تۋرالى وي قوزعالدى. قازاقستاننىڭ ەقىۇ-عا توراعالىق ەتۋى كەزىندە بەيبىتشىلىكتى نىعايتۋ, قاۋ­ىپسىزدىكتى ساقتاۋ, داۋلى ماسەلەلەردىڭ شەشىلۋىنە ىقپال ەتۋ جونىندەگى ويلار ورتاعا سالىندى. قازاقستان وسى ءما­سە­لەلەردىڭ وڭ شەشىمىن تابۋ ءۇشىن باس­قا دا حالىقارالىق بەدەلدى ۇيىمدار­مەن بىرلەسىپ قىزمەت اتقاراتىنى انىق. قىرعىزستاننىڭ ساياسي-ەكونوميكا­لىق جاعدايىن تۇراقتاندىرۋ ءۇشىن ولار­دىڭ وزدەرى ەلدىڭ دامۋ جولىن اي­قىن­داپ الۋى قاجەت ەكەنى ايتىلدى. كۇر­دەلى جاعدايدان شىعىپ كەتۋ ءۇشىن قىر­عىز ەلىنە گۋمانيتارلىق كومەك كور­سەتۋدىڭ ءمان-جايى ءسوز بولدى.