سۋرەت: dknews.kz
ارنايى قۇرىلعان كوميسسيا تالماي جۇمىس اتقارىپ, ءار باپتىڭ مازمۇنىنا تەرەڭ ءۇڭىلىپ, مەملەكەت پەن قوعامنىڭ بولاشاق باعىتىن ايقىندايتىن قۇجاتتى مۇقيات پىسىقتادى. زاڭگەرلەر مەن عالىمدار, دەپۋتاتتار مەن قوعام وكىلدەرى ورتاق ماقسات جولىندا كۇش بىرىكتىرىپ, حالىق ۇنىنە قۇلاق استى.
تالقىلاۋلار اشىق ءوتتى, ازاماتتار ءوز ۇسىنىستارىن ايتىپ, پىكىر ءبىلدىردى. سونىڭ ارقاسىندا جوبا شىنايى حالىقتىق سيپات الدى. كونستيتۋتسيا جوباسىندا ادام قۇقىعىن قورعاۋ ماسەلەسى الدىڭعى ورىنعا شىقتى, بيلىك تارماقتارىنىڭ جاۋاپكەرشىلىگى ناقتىلاندى, ادىلەتتى قوعام قۇرۋعا باعىتتالعان قاعيداتتار ايقىندالدى. جەرگىلىكتى ءوزىن-ءوزى باسقارۋدى دامىتۋعا, ەل ازاماتتارىنىڭ مەملەكەت ىسىنە بەلسەندى قاتىسۋىنا كەڭ جول اشاتىن تەتىكتەر قاراستىرىلدى. مۇنىڭ بارلىعى تاۋەلسىز قازاقستاننىڭ كەلەسى دامۋ بەلەسىنە سەنىمدى قادام جاساۋىنا نەگىز قالايدى.
مەملەكەت باسشىسى قاسىم جومارت توقاەۆ كونستيتۋتسيا تاعدىرىن حالىقتىڭ ءوزى شەشۋى قاجەت ەكەنىن اتاپ ءوتىپ, 15 ناۋرىزدا رەسپۋبليكالىق رەفەرەندۋم وتكىزۋ تۋرالى جارلىققا قول قويدى. بۇل شەشىم ەل ازاماتتارىنا ورتاق جاۋاپكەرشىلىكتى سەزىندىرەدى, ءار ادامعا ءوز تاڭداۋىن جاساپ, مەملەكەت بولاشاعىنا ىقپال ەتۋ مۇمكىندىگىن بەرەدى.
قوعام جاڭارۋ مەن وزگەرىستى تالاپ ەتىپ وتىرعان شاقتا رەفەرەندۋم وتكىزۋ – وتە ورىندى قادام. ءاربىر سانالى ازامات ءۇشىن الداعى ساياسي ناۋقان ەل تاعدىرىنا بەيجاي قاراماي, ازاماتتىق جاۋاپكەرشىلىكتى تانىتۋدىڭ ماڭىزدى ءساتى بولماق. داۋىس بەرۋ ارقىلى ءار ادام ءوز تاڭداۋىن جاساپ قانا قويماي, مەملەكەت بولاشاعىنىڭ قانداي باعىتتا وربيتىنىنە تىكەلەي ىقپال ەتەدى. ويتكەنى كونستيتۋتسيانىڭ مازمۇنى بۇكىل قوعامنىڭ ومىرىنە اسەر ەتەدى, ال ونى ايقىنداۋ حالىقتىڭ ورتاق ەركىنە بايلانىستى. مەن دە جاڭا كونستيتۋتسيا جوباسىن قولداي وتىرىپ, ونىڭ ەلىمىزدىڭ دامۋىنا, ادىلەتتى ءارى بەرەكەلى قوعام قالىپتاستىرۋعا قىزمەت ەتەتىنىنە سەنەمىن جانە بارشا ازاماتتاردى وسى ماڭىزدى باستامانى قولداۋعا شاقىرامىن!
اكبارجون يسمايلوۆ,
تاجىك ەتنومادەني ورتالىعىنىڭ توراعاسى
