فوتو: تۋريزم جانە سپورت مينيسترلىگى
پرەزيدەنت اتلەتتىڭ وتاندىق سپورت تاريحىندا مانەرلەپ سىرعاناۋدان تۇڭعىش رەت التىن مەدال يەلەنۋىن تاريحي ماڭىزى زور جەتىستىك رەتىندە اتاپ ءوتتى.
قاسىم-جومارت توقاەۆ ميحايل شايدوروۆقا جوعارى شەبەرلىگى, جەڭىسكە دەگەن ەرىك-جىگەرى ءۇشىن العىس ايتتى.
مەملەكەت باسشىسى بارشا سپورت سۇيەر قاۋىم مەن ەل ازاماتتارى سپورتشىنىڭ ايتۋلى جەتىستىگىن ماقتان تۇتاتىنىن جەتكىزدى.
قاسىم-جومارت توقاەۆ ميحايل شايدوروۆتى II دارەجەلى «بارىس» وردەنىمەن ماراپاتتاۋ تۋرالى شەشىم قابىلدادى.
سونداي-اق جاتتىقتىرۋشىلارعا, كونكيمەن مانەرلەپ سىرعاناۋ فەدەرەتسياسىنا جانە ءتيىستى مينيسترلىككە اتقارعان جۇمىسى ءۇشىن ريزاشىلىق ءبىلدىردى.
پرەزيدەنت وليمپيادا چەمپيونىنا تولايىم تابىس پەن جەڭىس تىلەدى.
ايتا كەتەيىك, الەم چەمپيوناتىنىڭ كۇمىس جۇلدەگەرى, قازاقستاندىق مانەرلەپ سىرعاناۋشى ميحايل شايدوروۆ يتاليادا وتكەن وليمپيادا ويىندارىندا التىن مەدال جەڭىپ الدى.
