رەفورمالارعا ازاماتتىق بەلسەندىلىك كەرەك

جيىنعا پارلامەنت دەپۋتاتتارى, كونستيتۋتسيالىق رەفورما جونىندەگى كوميسسيا مۇشەلەرى, ۇكىمەتتىك ەمەس ۇيىمداردىڭ باسشىلارى مەن ازاماتتىق اليانستاردىڭ كوش­باسشىلارى قاتىستى.

كەزدەسۋ بارىسىندا كونستي­تۋ­تسيالىق وزگەرىستەردىڭ نەگىزگى باعىتتارى, ولاردى ىسكە اسى­رۋ­داعى ازاماتتىق قوعام ينس­تي­تۋتتارىنىڭ ءرولى, سونداي-اق ساياسي-قۇقىقتىق جاڭعىرۋ ۇدەرىستەرىنە قوعامدىق قاتىسۋ­دىڭ ءتيىمدى تەتىكتەرى جان-جاق­تى تالقىلاندى.

وتىرىس اياسىندا قازاقستان­نىڭ ازاماتتىق اليان­سىنىڭ پرەزيدەنتى, «ادى­­­لەتتى جانە پروگرەسسيۆتى قازاق­­ستان­­­نىڭ حالىقتىق كونس­تيتۋتسياسى ءۇشىن!» جالپى­ۇلت­تىق كوا­لي­تسياسىنىڭ وكىلى بانۋ نۇرعازيەۆا ءسوز سويلەپ, جاڭا كونستيتۋتسيا جوباسى زاماناۋي سىن-قاتەرلەرگە جا­­­ۋاپ بەرەتىن, ەل دامۋىنىڭ ستراتەگيالىق باعىتىنا ساي مىقتى ءارى ادىلەتتى قازاقستاندى قالىپ­تاس­تىرۋدىڭ بەرىك قۇقىق­­تىق نەگىزىنە اينالاتىنىن اتاپ ءوتتى.

سونىمەن قاتار مەملەكەت پەن قوعام اراسىنداعى ءوزارا ءىس-قيمىلدى جەتىلدىرۋ, سترا­تەگيالىق قۇجاتتاردى تال­قى­­لاۋعا ازاماتتاردىڭ قاتى­سۋ اياسىن كەڭەيتۋ جانە زاڭ شى­عارۋ ۇدەرىسىنىڭ اشىقتىعىن ارت­تىرۋ ماسەلەلەرى قوزعالدى.

ءىس-شارا قورىتىندىسى بويىن­شا دەموكراتيالىق ينستيتۋت­تاردى نىعايتۋعا جانە رەفور­­مالاردى ىسكە اسىرۋدا سىن­دارلى قوعامدىق قاتىسۋدى دا­مىتۋعا باعىتتالعان ۇسى­نىمدار قابىلداندى.