وسىنداي كەزەڭدى باستان وتكەرىپ جاتقان جاس ساربازىمىزدىڭ ءبىرى – اتىراۋ گارنيزونىنىڭ 41433 اسكەري بولىمىنە بىلتىر كۇزگى ناۋقاندا شاقىرىلىپ, اسكەر ساپىنا الىنىپ, وتان الدىنداعى بورىشىن وتەپ جۇرگەن قاتارداعى جاۋىنگەر بەكمۇرات نۇرسەرىك.
ۇلكەن ءومىر جاستاردان جاۋاپكەرشىلىكتى سەزىنىپ, دۇرىس شەشىم قابىلداۋ مەن بەلگىلەنگەن زاڭ مەن تارتىپكە باعىنۋ, ۇجىمدا جۇمىس ىستەي ءبىلۋ تالاپ ەتىلەدى. ال وسى قاسيەتتەردىڭ بارلىعى مەرزىمدى اسكەري قىزمەتتىڭ العاشقى ايىندا انت قابىلداۋ قارساڭىندا قالىپتاسا باستايدى. سارباز بەكمۇراتقا بۇل كەزەڭ بەيىمدەلۋدىڭ عانا ەمەس, ءوزىن قايتا تانىپ-ءبىلۋدىڭ ۋاقىتىنا اينالعان.
اسكەري قىزمەتتىڭ العاشقى ايى – جاس سارباز ءۇشىن اسا ماڭىزدى كەزەڭ. ءدال وسى ارالىقتا ول اسكەري ءتارتىپتىڭ قاتاڭ, بىراق ادىلەتتى تالاپتارىمەن بەتپە-بەت كەلەدى. العاشقى كۇندەردەگى بەلگىسىزدىك پەن ىشكى الاڭداۋشىلىق كوپ ۇزاماي ناقتى ماقسات پەن سەنىمگە ۇلاسقانىن جاس سارباز جاسىرمايدى.
«اسكەرگە كەلگەن العاشقى كۇندەرى اركىم ءوز ويىمەن ارپالىسادى. الايدا كۇن ءتارتىبى, كومانديرلەردىڭ تالاپشىلدىعى مەن قامقورلىعى ادامدى تەز جيناقتايدى. ۋاقىتتىڭ قادىرىن, ءتارتىپتىڭ شىن مانىندەگى كۇش ەكەنىن ءدال وسى جەردە ءتۇسىندىم», دەيدى بەكمۇرات.
العاشقى ايدا ول جاس جاۋىنگەر كۋرسىنان ءوتتى. بۇل – اسكەري قىزمەتكە باستار العاشقى باسپالداق. ساپتىق دايارلىق, اسكەري جارعى تالاپتارى, قارۋ-جاراقتى, تەحنيكانى قالاي كۇتىپ ۇستاۋ كەرەك, قالاي اتۋدى ۇيرەنۋ كەرەك, جەكە جانە ۇجىمدىق قاۋىپسىزدىك ەرەجەلەرى – بارلىعى ناقتى جوسپارمەن, جۇيەلى تۇردە ۇيرەتىلەدى. مۇندا ءاربىر بۇيرىق – جاۋاپكەرشىلىككە, ءاربىر تاپسىرما سەنىمگە نەگىزدەلگەن.
اسكەردەگى كۇن ءتارتىبى جاس ساربازعا ءوزىن-ءوزى باسقارۋدىڭ جاڭا دەڭگەيىن كورسەتەدى. بەلگىلەنگەن ۋاقىتتا تۇرۋ, دايىندىققا قاتىسۋ, قويىلعان ءىس-شارالاردى مۇلتىكسىز ورىنداۋ – مۇنىڭ بارلىعى بۇگىنگى قوعامدا اسا قاجەت ءتارتىپ پەن توزىمدىلىكتى قالىپتاستىرادى. جاس سارباز بەكمۇرات بۇل جەردە جەكە مۇددەدەن گورى ۇجىمدىق جاۋاپكەرشىلىكتىڭ ماڭىزىن تەرەڭ تۇسىنگەنىن ايتادى.
اسكەري بولىمدەگى باۋىرمال ورتا – العاشقى ايدىڭ تاعى ءبىر ۇلكەن ساباعى. ەلدىڭ ءار وڭىرىنەن كەلگەن, مىنەزى مەن ومىرلىك تاجىريبەسى ءارتۇرلى جاستار قىسقا ۋاقىت ىشىندە ورتاق ماقساتقا بىرىگىپ, ناعىز قارۋلاس دوستارعا اينالادى. «اسكەردە جالعىزدىقپەن جولداس بولمايسىڭ. قاسىنداعى جاۋىنگەرلىك جولداسىڭ – سەنىڭ تىرەگىڭ. جاۋىنگەرلەر ءبىر-بىرىمىزگە سەنۋدى, ءبىر ماقسات ءۇشىن ارەكەت ەتۋدى ۇيرەنەدى», دەيدى كەيىپكەرىمىز.
بەيىمدەلۋ كەزەڭىندە ساربازداردىڭ پسيحولوگيالىق جاعدايىنا دا ەرەكشە كوڭىل بولىنەدى. قازىرگى قوعامدا جاستاردىڭ ىشكى پسيحولوگيالىق تۇراقتىلىعى – ءجيى ءسوز بولاتىن وزەكتى ماسەلە. وسى تۇرعىدا اسكەردە كورسەتىلەتىن مورالدىق قولداۋ, كومانديرلەر مەن اسكەري تاربيەشىلەردىڭ قامقورلىعى ايرىقشا ورىنعا يە.
بەكمۇرات «كوماندير – اعا, سارباز – ءىنى» دەگەن ءسوزدىڭ ومىرلىك ۇستانىمى ەكەنىن ماقتانىشپەن ايتادى. «كومانديرلەر تەك پارمەن بەرۋمەن عانا ەمەس, قيىن ساتتە باعىت كورسەتىپ, كۇش-جىگەر بەرەدى. اسكەردە جۇرگەن شاعىمىزدا ادامگەرشىلىك پەن ادىلدىكتىڭ ناقتى ۇلگىسىن كورىپ ءجۇرمىن», دەيدى جاۋىنگەر.
انت قابىلداۋ ساتىنە دەيىنگى العاشقى اي بۇگىنگى تاڭداعى قىزمەتكە بەيىمدەلگەن بەكمۇرات ءۇشىن ۇلكەن ىشكى وزگەرىستەر كەزەڭى بولدى. ول اسكەري ءىستىڭ نەگىزدەرىن مەڭگەرىپ قانا قويماي, جاۋاپكەرشىلىك, ءتارتىپ پەن وتان الدىنداعى بورىشتىڭ شىنايى ماعىناسىن سەزىندى.
بۇل – كەشەگى ەركىن ومىرگە ۇيرەنگەن جاستىڭ ەل قورعانى بولۋعا جاساعان العاشقى سانالى قادامى. ال بەكمۇرات نۇرسەرىكتىڭ العاشقى ايداعى ۇستانىمى مەن كوزقاراسى – اسكەري قىزمەتتىڭ بۇگىنگى قوعام ءۇشىن دە وزەكتىلىگىن ايقىن كورسەتەتىن ناقتى مىسال.
