سىرتقى ساياساتتاعى سىندارلى شارالار

كەشە سىرتقى ىستەر مينيسترلىگىنىڭ رەسمي وكىلى اسقار ابدراحمانوۆ ەلىمىزدىڭ سىرتقى ساياسات سالاسىندا بولىپ جاتقان ماڭىزدى وقيعالارعا بايلانىستى بريفينگ وتكىزدى. رەسمي وكىلدىڭ مالىمدەمەسى بويىنشا 5 تامىز كۇنى تۇركيانىڭ بودرۋم قالاسىندا تۇركيا سىرتقى ىستەر ءمينيسترى احمەت داۆۋتو­گلۋ­دىڭ, قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋدا­باەۆ­تىڭ, ءازىربايجان سىرتقى ىستەر ءمينيسترى ەلدار مامەدياروۆتىڭ جانە قىرعىزستان سىرتقى ىستەر ءمينيسترى رۋسلان قازاقپاەۆتىڭ قاتىسۋىمەن بەيرەسمي كەزدەسۋ وتكەن. بۇل كەزدەسۋدى تۇركى كەڭەسى – تۇركى تىلدەس مەملەكەتتەر ىن­تىماقتاستىعى كەڭەسىنىڭ سامميتىنە دايىندىق جۇمىستارىنىڭ قاتارى­نا جاتقىزۋعا بولادى. ەستەرىڭىزگە سالا كەتسەك, تۇركى كەڭەسى ەلباسى نۇرسۇلتان نازارباەۆتىڭ باستاما­سىمەن 2009 جىلى قازان ايىندا ءازىربايجاننىڭ ناحيچەۆان قالا­سىندا وتكەن تۇركىتىلدەس مەملە­كەت­تەر باسشىلارىنىڭ سامميتىندە قۇرىلعان بولاتىن. كەزدەسۋ بارىسىندا ءتورت ەلدىڭ مينيسترلەرى كەلەسى ايدا, ياعني قىر­كۇيەكتە ىستامبۇلدا وتەتىن ءتۇر­كىتىلدەس مەملەكەتتەر باسشى­لارى­نىڭ الداعى كەزدەسۋىنىڭ كۇن ءتارتىبىن جانە بىرقاتار ۇيىم­داستىرۋ شارالارىن قابىلداۋ جولىمەن اتالعان ينستيتۋتتى نىعايتۋ جولدارىن تالقىلادى. سونىمەن قاتار رەسمي وكىل ا.ابدراحمانوۆ قاتىسۋشىلاردىڭ ءبىراۋىزدان قابىلداعان شەشىمى بويىنشا تۇركى كەڭەسى باۋىرلاس ەلدەر اراسىنداعى ساياسي جانە ەكو­نوميكالىق ىنتىماقتاستىقتى ودان ءارى نىعايتۋعا, تۇركى حالىق­تارى­نىڭ مادەني-تاريحي مۇراسىن ساقتاۋعا جانە تانىمال ەتۋگە قىزمەت ەتەتىن بولاتىندىعىن اتاپ كورسەتتى. بودرۋمداعى كەزدەسۋ بارىسىندا سىرتقى ساياسات ۆەدومستۆولارىنىڭ باسشىلارى سونىمەن بىرگە, قىر­عىزستانداعى جاعدايدى قوسا العان­دا, حالىقارالىق جانە ايماقتىق پروبلەمالاردىڭ بىرقاتارىن تال­قى­لادى. ەۋروپاداعى قاۋىپسىزدىك جانە ىنتىماقتاستىق ۇيىمىنا مۇشە مەملەكەتتەر سىرتقى ىستەر مينيسترلەرى كەڭەسىنىڭ 2010 جىلى جەلتوقساندا استانادا ۇيىمنىڭ ءسامميتىن وتكىزۋ تۋرالى 3 تامىزدا قابىلداعان شەشىمىنە تەرەڭ قاناعاتتانۋشىلىق ءبىلدىرىپ, بۇل شەشىمنىڭ قازاقستان مەن ونىڭ كوشباسشىسى نۇرسۇلتان نازار­باەۆ­تىڭ كۇش-جىگەرلەرى مەن جەتىس­تىكتەرىن تانۋ بولىپ تابى­لاتىن­دىعى دا كەزدەسۋدە كوتەرگەن اسا ماڭىزدى ماسەلەلەردىڭ ءبىرى بولدى. 7 تامىز كۇنى تاشكەنتتە “ور­تالىق ازيا+جاپونيا” ديالوگى شەڭ­بەرىندەگى سىرتقى ىستەر مي­نيسترلەرىنىڭ ءۇشىنشى كەڭەسى وتە­تىندىگى بەلگىلى بولدى.  كەڭەس با­رى­سىندا تاراپتار ەكونوميكالىق ىنىماقتاستىق, ايماق تۇرعىن­دارىنىڭ ءال-اۋقاتىن ارتتىرۋ, ءدىني ەكسترەميزممەن, ەسىرتكى ترا­في­گىمەن, زاڭسىز كوشى-قونمەن كۇ­رەس, ارال وڭىرىندەگى ەكولوگيالىق جاعدايدى وڭالتۋ, كولىك-كوممۋ­ني­كاتسيا جانە سۋ-ەنەرگەتيكا سالا­لارىندا ءوزارا ىقپالداستىق, ايماقتاعى ەلدەردىڭ ەكونوميكالىق الەۋەتىن اۋعانستاندى قالپىنا كەلتىرۋگە جۇمىلدىرۋ, ايماقتىق قاۋىپسىزدىكتى قامتاماسىز ەتۋدەگى ىنتىماقتاستىق ماسەلەلەرىن تال­قىلايدى.  رەسمي وكىل 9-10 تا­مىزدا قازاقستان رەسپۋبليكاسى­نىڭ مەملەكەتتىك حاتشىسى – سىرت­قى ىستەر ءمينيسترى قانات ساۋداباەۆتىڭ شاقىرۋىمەن جا­پونيانىڭ سىرتقى ىستەر ءمينيسترى كاتسۋيا وكادانىڭ استاناعا رەسمي ساپارمەن كەلەتىنىن حابارلادى. ساپار بارىسىندا بىرقاتار كە­لىسسوزدەر جۇرگىزىلىپ, 2008 جىلى ماۋسىم ايىندا ەلباسى نۇرسۇلتان نازارباەۆتىڭ جاپونياعا رەسمي ساپارى كەزىندە قول جەتكىزىلگەن ۋاعدالاستىقتاردى ىسكە اسىرۋ بارىسى تالقىلاناتىن بولادى. اراي ۇيرەنىشبەكقىزى.