فوتو: سالي سابيروۆ, قازاقستان ۇوك ءباسپاسوز قىزمەتى
ايتۋلى دودا قازاقستان ۋاقىتىمەن ساعات 23:00-دە باستالادى. تىكەلەي ەفيردى Qazsport تەلەارناسى ساعات 22:55-تەن باستاپ ۇيىمداستىرادى. سونداي-اق ميحايل شايدوروۆتىڭ ەركىن باعدارلاماداعى ونەرى ارنانىڭ سايتىندا دا كورەرمەن نازارىنا ۇسىنىلادى.
ايتا كەتەيىك, مانەرلەپ سىرعاناۋدان قازاقستان قۇراماسىنىڭ كوشباسشىسى جەكەلەي سىرعاناۋدا قىسقا باعدارلاما بويىنشا 92.94 ۇپاي جيناپ, ناتيجەسىندە 5-ءشى ورىنعا تۇراقتاعان ەدى.
سونداي-اق Vogue Italia جۋرنالىنىڭ عالامتورداعى نۇسقاسى 2026 جىلعى وليمپيادا ويىندارىن ەڭ ءساندى جارىستاردىڭ قاتارىنا قوسىپ, سپورتشىلاردىڭ ەڭ تاڭداۋلى كيىم ۇلگىلەرىنە ارنايى شولۋ جاسادى. اتالعان شولۋدا مانەرلەپ سىرعاناۋشى ميحايل شايدوروۆتىڭ قىسقا باعدارلامادا كيگەن جارىس كوستيۋمى دە جوعارى باعالاندى.
