21 قاڭتاردان باستاپ اقش مەملەكەتتىك دەپارتامەنتى 75 ەلدىڭ ازاماتتارىنا, ونىڭ ىشىندە ەل ازاماتتارىنا دا يمميگراتسيالىق ۆيزالار بەرۋدى ۋاقىتشا توقتاتتى. مۇنداي شەشىم «قوعامعا سالماق سالۋى مۇمكىن» دەگەن ساناتتاعى ءوتىنىش يەلەرىنىڭ قىزمەتىن شەكتەۋ ماقساتىندا قابىلدانعان. ەلشىنىڭ ايتۋىنشا, بۇل شارا ۋاقىتشا سيپاتقا يە جانە كوشى-قون جۇيەسىن جەتىلدىرۋگە باعىتتالعان.
«اقش – ميگرانتتار ارقىلى قۇرىلعان ەل. ياعني, بۇل – تاريحىمىزدىڭ وتە ماڭىزدى بولىگى, سوندىقتان ول بارلىق زاڭنامامىزدا كورىنىس تاپقان. بۇل – تولىقتاي باس تارتۋ ەمەس, تەك ۋاقىتشا توقتاتۋ. ءبىز ونى ۋاقىتشا شارا دەپ ەسەپتەيمىز. بۇل ۇدەرىس كەرىسىنشە كوشى-قون اعىندارىن رەتتەۋگە كومەكتەسۋدى كوزدەيدى. بۇعان دەيىن دە وسىنداي باستامالار قولدانىستاعى تەتىكتەردى جەتىلدىرۋ ءۇشىن ەنگىزىلگەن», دەدى دجۋلي ستاففت ءباسپاسوز ءماسليحاتىندا.
10 جىلدىق «التىن ۆيزا»: ينۆەستورلارعا جاڭا مۇمكىندىكتەر ۇسىنىلدى
ەلشىنىڭ سوزىنشە, ۆيزالارعا قويىلعان شەكتەۋ ءوتىنىش بەرۋشىلەردىڭ تار ساناتىنا عانا قاتىستى.
ءۇندىستان قازاقستان ازاماتتارى ءۇشىن ءبىر ايعا تەگىن ۆيزا ۇسىندى
بريفينگ بارىسىندا جۋرناليستەر اقش-تىڭ رەسەي, قىتاي جانە يرانعا قارسى ەنگىزگەن سانكتسيالارىنىڭ قازاقستانمەن ساۋدا-ەكونوميكالىق بايلانىستارعا ىقپالى جونىندە دە سۇراق قويدى.
«قازاقستاننىڭ بۇل وڭىردە ساۋدا سەرىكتەستەرى وتە كوپ ەكەنىن جاقسى تۇسىنەمىز. ءبىز ەشقاشان وسى ساۋدا قاتىناستارىن توقتاتۋ جونىندە باستاما كوتەرگەن ەمەسپىز. مۇندا ماسەلە اقش-تىڭ جەكە سانكتسيالارىنان گورى حالىقارالىق سانكتسيالار تۋرالى بولىپ وتىر. قازاقستاندا بۇل سانكتسيالاردىڭ ەكونوميكاعا كەرى اسەرىن بولدىرماۋ باعىتىندا قالىپتاسقان وتە جاقسى تاجىريبە بار. ەگەر وسى وڭ ديناميكا ساقتالسا, سانكتسيالار ايتارلىقتاي ىقپال ەتەدى دەپ ويلامايمىن», دەپ تۇيىندەدى ەلشى.
