فوتو: Depositphotos.com
الماتى قالاسى اكىمدىگى تاراتقان اقپاراتقا سايكەس, توتەنشە جاعداي رەجيمى زاڭنامادا بەلگىلەنگەن تارتىپپەن, تۇرعىنداردىڭ كوپتەپ جۇگىنۋى مەن حالىقتى اۋىزسۋمەن قامتاماسىز ەتۋدىڭ الەۋمەتتىك ماڭىزىن ەسكەرە وتىرىپ ەنگىزىلگەن.
اكىمدىك تۇسىندىرگەندەي, تەحنوگەندىك سيپاتتاعى توتەنشە جاعداي جاريالاۋ مۇمكىندىگى «ازاماتتىق قورعاۋ تۋرالى» زاڭ نورمالارىندا قاراستىرىلعان. اتالعان زاڭنىڭ 4 جانە 48-باپتارىنا سايكەس, حالىقتىڭ دەنساۋلىعىنا قاۋىپ تونگەندە, قالىپتى تىرشىلىك جاعدايى بۇزىلعاندا نەمەسە تىرشىلىكتى قامتاماسىز ەتۋ نىساندارى مەن جەلىلەرىندە, سونىڭ ىشىندە سۋ جۇيەلەرىندە اپات بولعان جاعدايدا وسىنداي رەجيم ەنگىزىلەدى.
امەريكانى اقتۇتەك بوران باستى: 139 مىڭ ادام جارىقسىز قالىپ, توتەنشە جاعداي جاريالاندى
قابىلدانعان شەشىم اياسىندا ينجەنەرلىك جەلىلەردى جاڭعىرتۋ جانە قايتا جاڭارتۋ, سۋ باسۋ قاۋپى بار اۋماقتاردا الدىن الۋ شارالارىن جۇرگىزۋ, سونداي-اق جولداردىڭ جەكەلەگەن ۋچاسكەلەرىندە, ونىڭ ىشىندە تاۋ بوكتەرىندەگى ايماقتا تاۋەكەلدەردى ازايتۋ جۇمىستارى جوسپارلانىپ وتىر.
جاۋاپتى قۇرىلىمدار جاعدايدى تۇراقتاندىرۋ جانە تۇرعىنداردى ساپالى اۋىزسۋمەن قامتاماسىز ەتۋ باعىتىندا ءتيىستى شارالاردى قولعا العان.
توتەنشە جاعدايلار كەزىندە ۆولونتەرلىك كومەك جۇيەسى نىعايتىلادى
