فوتو: اشىق دەرەككوز
ورتا ازيا ەلدەرىنىڭ مىڭداعان ازاماتتارى قۇربان ايت مەرەكەسىنە وراي ۇيلەرىنە اسىعىپ جاتىر, بۇل جاعداي كولىكتەردىڭ جينالۋىنا اكەلدى.
رەسەي جاعىنان اكتوبە وبلىسىنا باعىت العان كولىكتەردىڭ ۇزىن كەزەگى پايدا بولعان. شەكارادان ءوتۋدى قالايتىن ادامدارعا ۇزاق ۋاقىت كۇتۋىنە تۋرا كەلىپ وتىر. وتاندىق قىزمەتتەر بۇعان وزدەرىنىڭ كىناسى جوق ەكەنىن ايتادى. ولاردىڭ ايتۋىنشا, قيىندىق رەسەي جاعىنداعى اۋماقتا تۋىنداعان. سونىمەن قاتار كولىك اعىنىنىڭ كوبەيۋىنە مەرەكە الدىنداعى تاسىمال دا اسەر ەتىپ وتىر. كەيبىر جولاۋشىلار ۇزاق كۇتۋگە شىداماي, كولىكتەرىن تاستاپ كەتۋگە ءماجبۇر بولىپ وتىر. ولار شەكارانى جاياۋ كەسىپ ءوتىپ, ارعى بەتتەن تاكسي الىپ جولدارىن جالعاستىرىپ جاتىر. مامانداردىڭ ايتۋىنشا, وتكىزۋ بەكەتى جاقىن ۋاقىتتا بوساتىلادى.
«اتالعان كولىك كەپتەلىسى رەسەي فەدەراتسياسى جاعىندا بايقالىپ وتىر جانە ەڭ الدىمەن ورتالىق ازيا ەلدەرىنەن كەلگەن ەڭبەك ميگرانتتارىنىڭ قۇربان ايت مەرەكەسىنە بايلانىستى وتانىنا قايتۋىمەن بايلانىستى. سونداي-اق كەپتەلىستىڭ سەبەبى جۇك جانە جەڭىل كولىكتەر ءۇشىن بولەك جولاقتاردىڭ بولماۋى», دەپ حابارلادى اكتوبە وبلىسى بويىنشا مەملەكەتتىك كىرىستەر دەپارتامەنتى.
