فوتو: سالي سابيروۆ, قازاقستان ۇوك ءباسپاسوز قىزمەتى
بۇل تىزىمگە ەرەكشە ديزاينىمەن, ايرىقشا تۇستەرىمەن جانە ستيلىمەن كوزگە تۇسكەن سپورتتىق كيىمدەر ەنگەن. اۆتورلار تەك كيىم ۇلگىلەرىن ەمەس, سونىمەن قاتار اكسەسسۋارلارعا دا ايرىقشا نازار اۋدارعان.
ۇلتتىق وليمپيادا كوميتەتىنىڭ مالىمەتىنشە, اتالعان شولۋدا قازاقستاندىق مانەرلەپ سىرعاناۋشى ميحايل شايدوروۆتىڭ قىسقا باعدارلامادا كيگەن جارىس كوستيۋمى دە جوعارى باعالاندى.
«قازاقستان قۇراماسىنىڭ وكىلى ميحايل شايدوروۆ كورەرمەندى «ديۋنا» فيلمىندەگى تيموتي شالامە بەينەسىن ەسكە تۇسىرەتىن كيىم ۇلگىسىمەن تاڭعالدىردى. ماتانىڭ دراپيروۆكاسى مەن گراديەنتتى ەلەمەنتتەرى كوستيۋمنىڭ باسقا بولىكتەرىمەن ۇيلەسىپ, دەني ۆيلنيوۆ فيلمدەرىنە ءتان اپوكاليپتيكالىق ءارى فۋتۋريستىك الەم ەستەتيكاسىن كوز الدىڭى اكەلەدى», دەلىنگەن ماقالادا.
شايدوروۆتان بولەك, Vogue Italia شولۋىنا وزگە دە مانەرلەپ سىرعاناۋشىلاردىڭ كوستيۋمدەرى ەندى. اتاپ ايتقاندا: يليا مالينين (اقش, قىسقا باعدارلاما), پيوتر گۋمەننيك (رەسەي, قىسقا باعدارلاما), مەديسون چوك / ەۆان بەيتس جۇبى (اقش, ەركىن بي), ستيۆەن گوگولەۆ (كانادا, قىسقا باعدارلاما), لارا ناكي گۋتمانن (يتاليا, قىسقا باعدارلاما) جانە لورانس فۋرنە بودري / گيوم سيزەرون جۇبىنىڭ (فرانتسيا, ريتميكالىق بي) جارىس كوستيۋمدەرى نازارعا ىلىككەن.
ايتا كەتەيىك, بۇگىن ميحايل شايدوروۆ ەركىن باعدارلامادا ونەر كورسەتەدى.
مانەرلەپ سىرعاناۋدان قازاقستان قۇراماسىنىڭ كوشباسشىسى جەكەلەي سىرعاناۋدا قىسقا باعدارلاما بويىنشا 92.94 ۇپاي جيناپ, ناتيجەسىندە 5-ءشى ورىنعا تۇراقتاعان ەدى.
