كەزدەسۋدە «اسسامبلەيا جاستارى» رقب توراعاسى تيمۋر جۇمىرباەۆ ءسوز سويلەدى. توراعا كونستيتۋتسيا حالىقتىڭ تۇپكىلىكتى مۇددەلەرىنىڭ كورىنىسى ەكەنىن, ال جۇرگىزىلىپ جاتقان اۋقىمدى رەفورمالاردىڭ قوعامنىڭ بارلىق مۇشەلەرى ءۇشىن, اسىرەسە, جاستار ءۇشىن تاريحي ماڭىزى بار ەكەنىن اتاپ ءوتتى.
تيمۋر جۇمىرباەۆ «اسسامبلەيا جاستارى» ۇيىمى كونستيتۋتسيا جوباسىن كەڭىنەن قولدايتىنىنا نازار اۋداردى. سەبەبى كونستيتۋتسيا تابىستى مەملەكەتتىڭ ىرگەتاسى, وندا ادامنىڭ ءومىرى نەگىزگى قۇندىلىق بولعاندىقتان, قازاقستان جاستارى ءۇشىن بۇل ۇلكەن مۇمكىندىكتەرگە جول اشادى.
شىمكەنتتە كونستيتۋتسيالىق رەفەرەندۋمدى قولداۋ كواليتسياسى ىسكە كىرىستى
سونىمەن قاتار ەلوردالىق وزبەك ەتنومادەني بىرلەستىگىنىڭ توراعاسى شەرزود پۋلاتوۆ ءسوز سويلەپ, مادەنيەت, عىلىم جانە ءبىلىم قۇندىلىقتارىنىڭ ماڭىزدىلىعىنا توقتالدى. ول بۇل قاعيداتتاردىڭ باسىمدىعى ادامي كاپيتالدى دامىتۋدىڭ جاڭا كەزەڭى ەكەنىن, سونداي-اق جاس تالانتتاردى قولداۋدىڭ ماڭىزدى شارالارى تۋرالى ايتىپ بەردى.
قاتىسۋشىلار جاڭا كونستيتۋتسياعا قولداۋ ءبىلدىرىپ, قۇجاتتىڭ قازىرگى جانە بولاشاق ۇرپاقتىڭ سەنىمدى دامۋىنا نەگىز بولاتىنىن ءتۇسىنۋ جاستار ءۇشىن ماڭىزدى ەكەنىن اتاپ ءوتتى. باسقا ۋنيۆەرسيتەتتەردە دە وسىنداي كەزدەسۋلەر وتكىزۋدىڭ وزەكتىلىگى جانە جاستار قاۋىمداستىعىنا جاڭا كونستيتۋتسيانىڭ نەگىزگى ەرەجەلەرىن ودان ءارى ءتۇسىندىرۋدىڭ ماڭىزى اتاپ ءوتىلدى.
ءىس-شاراعا استانا قالاسىنىڭ جوعارى وقۋ ورىندارىنىڭ ستۋدەنتتىك اسسامبلەيالارىنىڭ وكىلدەرى, ەتنومادەني بىرلەستىكتەردىڭ جاستارى جانە ساراپشىلار قاۋىمداستىعىنىڭ وكىلدەرى قاتىستى.
