جاڭا...

...بالالار كىتاپحاناسى اشىلدى كورنەكتى ءسوز زەرگەرى عابيدەن ءمۇستافيننىڭ كىندىك قانى تام­عان توپىراعى جاۋىرتاۋ, قوجىر مەن بوتاقارا بويى ەكەنى بەلگىلى. وسى ماڭايدا كەزىندە تەلمان اتتى اۋدان قۇرىلىپ, ورتالىعى توكارەۆكا اتاندى. قازىر بۇل كەنت جازۋشى اتىندا. مۇنداعى تۇرعىندار ومىرىندە جاعىمدى جاڭالىقتار از ەمەس. سونىڭ ءبىرى جاسوسپىرىمدەرگە دە ارنالدى. ونشاقتى جىلدان بەرى بوس تۇرىپ, قۇلاۋعا شاق قالعان بۇ­رىنعى اۋداندىق مەكەمە عي­ما­راتى قايتادان جاڭارتىلىپ, با­لالار كىتاپحاناسى ۇيىنە اي­نال­دىرىلدى. ءتۇرلى ادەبيەت قورىنا باي, جەكە وقۋ بولمەلەرى بار, ءوز ءىسىنىڭ بىلگىر ماماندارى قىزمەت كورسەتەتىن ءبىلىم وتاۋى بۇقار جى­راۋ اۋدانىندا سوڭعى ۋاقىتتا پاي­دا بولعان 27-ءشى كى­تاپ­حانا. وعان كەلۋشىلەردى ال­دى­مەن جەر­لەس جازۋشىلاردىڭ شى­عارمالارى تىزىلگەن, سۋرەتكەرلىك جولى بايان­دالعان ءمۇيىس قارسى الىپ تۇرادى. ايقىن نەسىپباي, قاراعاندى وبلىسى, بۇقار جىراۋ اۋدانى. ...ستاديوندا اۋداندىق سپارتاكيادا ءوتتى قىزىلجار سەلولىق وكرۋگىنە قاراستى شەڭبەرتال اۋىلىندا اشىل­عان جاڭا ستاديوندا وتكەن ىر­عىز اۋدانى جاستارىنىڭ سپار­تاكياداسىنا وڭىردەگى بار­لىق سە­لولىق وكرۋگتەردەن سپورت­شىلار قا­تىسىپ, ءۇش كۇن بويى كۇش سىناستى. 2001 جىلى قايتا جاندانعان بۇل سپورتتىق دودا بۇرىندارى سە­لولىق وكرۋگتەردىڭ ورتالىقتا­رىن­دا وتسە, سوڭعى جىلدارى شا­عىن ەلدى مەكەندەردە ۇيىمداس­تى­رىلىپ ءجۇر. سپورتتىڭ ون ءتۇرى­نەن وتكەن سپارتاكيادادا ىرعىز سەلولىق وكرۋگىنىڭ سپورتشىلارى جەڭىمپاز اتانسا, ەكىنشى ورىندى امانكول سەلولىق وكرۋگىنىڭ سپورت­­شىلارى يەلەندى. الاڭ يە­لەرى كىزىلجارلىقتار ءۇشىنشى ورىنعا تابان تىرەدى. قازاقشا كۇ­رەس­تەن تۇيە بالۋاندىققا بەل­دەسكەن ون بالۋاننىڭ اراسىنان ىرعىزدىق سپورت شەبەرى ابىلاي قوسمۇرا­توۆتىڭ باعى جاندى. جاڭا ستا­ديوندا وتكەن اۋدان جاس­تارىنىڭ سپارتاكياداسى جاق­سى ۇيىم­داستىرىلۋىمەن دە ەستە قالدى. ساتىبالدى ءساۋىرباي, اقتوبە وبلىسى. ىرعىز اۋدانى. ...سۋبۇرقاق ىسكە قوسىلادى قازاقستان مەن رەسەي ىنتى­ماق­تاستىعى ايماقارالىق فو­رۋمى­نا وسكەمەندىكتەر قىزۋ ءازىر­لەنۋدە. قازاقستان مەن رەسەي پرەزي­دەنت­تەرى ن.نازارباەۆ پەن د.مەدۆەدەۆ­تىڭ قاتىسۋىمەن وتە­تىن بۇل فورۋمنىڭ ءجونى باسقا­لا­ردان بولەك بولعالى تۇر. وندا ەكى ەل اراسىن­داعى دوستىق, ەكو­نو­ميكالىق قاتىناستار تۋ­رالى بىرنەشە قۇجاتقا قول قويىلماق. بۇگىندە قالا كوشەلەرى اس­فالت­تالىپ, تۇرعىن ۇيلەر اۋلا­لا­رى اباتتاندىرىلىپ جاتىر. وسكەمەن­دەگى “تسەنتر­ەنەر­گو­ەكس­پەرتيزا” كومپانياسى ءتورت ءبىر­دەي سۋبۇرقاق قۇرىلىسىن اياقتاپ قالدى. سونىڭ ءبىرى اۋەجاي عيماراتىنىڭ الدىن­داعى الاڭدا بوي كوتەرمەك. جاقىندا وبلىس اكىمى ب.ساپارباەۆ ونىڭ قۇرىلىسىمەن تانىستى. سونداي-اق, فورۋم كەزىندە “كاز­تسينك” جشس جاڭا بالالار باقشاسى, ەكى زاۋىتتى ىسكە قوسپاق. باسقا دا الەۋمەتتىك عيماراتتار قالا ءسانىن ارتتىرا تۇسەدى. وڭداسىن ەلۋباي, وسكەمەن.