رەسەيدە وتكەن 7-ءشى تمد اسكەرلەرى سپارتاكياداسىندا قازاقستاننىڭ اسكەري-سپورتشىلارى كوماندالىق ەسەپتە ەكىنشى ورىنعا شىعىپ, وتە جاقسى ناتيجە كورسەتتى.
سانك-پەتەربۋرگتە شىلدەنىڭ 24-ءى مەن تامىزدىڭ 1-ءى ارالىعىندا تمد مەملەكەتتەرىنىڭ دوستاستىق اسكەرلەرىنىڭ ءداستۇرلى سايىسى بيىل جەڭىستىڭ 65 جىلدىعىنا ارنالدى. قازاقستان تاراپىنان 38 سپورتشى قاتىسقان دوداعا جالپى سپورتتىڭ 6 ءتۇرى قامتىلسا, ءبىزدىڭ قۇراما سولاردىڭ بەسەۋىنە, ياعني ەركىن كۇرەس, كوپسايىس, سۋعا ءجۇزۋ, نىسانا كوزدەۋ جانە گىر تاسىن كوتەرۋدەن باق سىناستى.
– بىزدىڭ اسكەريلەر وتە جاقسى ناتيجەگە قول جەتكىزدى, – دەيدى قورعانىس مينيسترلىگىنىڭ اوسك سپورت كوميتەتىنىڭ باستىعى, پولكوۆنيك ەرلان تالاسباەۆ. – جىگىتتەرىمىزدىڭ رەسەي, ۋكراينا سياقتى الەۋەتى وتە كۇشتى كوماندالار اراسىندا ەكىنشى ورىنعا شىعۋىن ءۇلكەن جەڭىس دەپ باعالايمىز. اسىرەسە, ءبىزدىڭ قورجىنىمىزعا قوماقتى ءجۇلدە سالعان سۋعا جۇزۋشىلەردىڭ تابىسىن اتاپ وتكىم كەلەدى. ولار جالپى سانى 7 التىن, 2 كۇمىس, 3 قولا مەدال جەڭىپ, كوماندالىق ەسەپتە توپ جاردى. ماسەلەن, كىشى سەرجانت س.كۋزمين – 4, اعا سەرجانت س.وسينسكي – 3 التىن مەدالدان القا تاقتى.
بايراقتى باسەكەنىڭ قورىتىندىسى بويىنشا قازاقستان قۇراماسى 11 التىن, 9 كۇمىس, 5 قولا ءجۇلدەنى ولجالاپ, جالپى ەسەپتە رەسەيدەن كەيىن 2-ءشى ورىنعا شىقتى. ال ۋكراينا 3-ءشى, بەلارۋس – 4-ءشى, ارمەنيا 5-ءشى بولسا, تاجىكستانعا سوڭعى ورىن بۇيىرىپتى.
سپورت تا قازاقستاننىڭ حالىقارالىق بەدەل-ابىرويىنا قىزمەت جاسايتىن شارانىڭ ءبىرى. وسى ورايدا قازاقستاندىق اسكەري سپورتشىلاردىڭ تابىسى جونىندە قورعانىس مينيسترلىگىنىڭ اوسك سپورت كوميتەتىنىڭ باستىعى, پولكوۆنيك ەرلان تالاسباەۆپەن اڭگىمەلەسكەنىمىزدە ول بىزگە بىلاي دەدى:
– جالپى العاندا ءبىزدىڭ قارسىلاستارىمىز دا وڭاي كوماندالار ەمەس. ماسەلەن, كۇرەستەن ارمياندار, نىسانا كوزدەۋدەن رەسەي جاقسى كوماندا دايىنداعان. ارينە, ءوز ەلىڭدە, ءوز الاڭىڭدا ولاردىڭ الەۋەتى مەن مۇمكىندىكتەرى مولداۋ بولدى. سۋعا جۇزۋدەن دە رەسەيلىكتەر مەن ۋكرايندىقتار مىقتى كوماندا جاساقتاعانىن ايتا كەتۋىمىز كەرەك.
سونىمەن بىرگە ونىڭ ايتۋىنشا, مۇنداي جاقسى كورسەتكىشتەردى باعىندىرۋىمىز قورعانىس مينيسترلىگىنىڭ اسكەري سپورتتى دامىتۋعا دەگەن بايسالدى قولداۋ كورسەتۋىنىڭ ناتيجەسى. سونداي-اق, قورعانىس ءمينيسترىنىڭ ساربازدارعا قاشاندا كوڭىل ءبولىپ, وسىنداي دودالى جارىستارعا دايىندالۋعا جەتكىلىكتى جاعدايدا قارجىلاي كومەستەسۋىندە. ەگەر مۇنداي حالىقارالىق سايىستارعا قاتىسۋىمىزعا باسشىلىقتىڭ كوزقاراسى وڭدى بولماعاندا, جوعارىداعىداي اسۋ الىنباعان بولار ەدى.
جالپى, كوماندالىق ەسەپتە ەكىنشى ورىن يەلەنۋىمىزدى ول سپورتشىلاردى تاڭداۋدا ۇلكەن جۇمىس ءجۇرگىزىلۋىمەن, ەكىنشىدەن, مينيسترلىكتىڭ قولداۋ كورسەتۋىمەن ءبىر جارىم اي بويى ءوز بازامىزدا وتە جوعارى دەڭگەيدە جاتتىقتىرۋ تسيكلى وتكىزىلگەنىمەن, ال ۇشىنشىدەن, ءجىگىتتەردىڭ كوماندالىق رۋحىمەن بايلانىستىرۋدا. “بىزدە بوتەن سپورتشى بولمادى. ءبارى اسكەري قىزمەتكەرلەر, ءبىرىن ءبىرى جاقسى ءبىلەدى. جارىستىڭ العاشقى كۇنىنەن-اق ءبىر-بىرىمەن يىقتاسىپ, ورتاق كۇشپەن قارسىلاستارىنا لايىقتى تۇرا ءبىلدى. ءبىر وتباسىنداي جۇمىلا كەلگەنىمىزدى باسقا كوماندالار دا بايقاپ, ونى اتاپ ءوتتى دە”, – دەيدى ە.تالاسباەۆ.
دەگەنمەن, ونىڭ ايتۋىنشا, سپارتاكيادا ازىرگە كوپ ەلدەر كوماندالارىن 100 پايىزعا قامتي الماي وتىر. بەلگىسىز سەبەپتەرمەن بالتىق جاعالاۋىنداعى ءۇش مەملەكەتتەن كوماندالار كەلمەي قالدى. بىراق, ول ءۇش ەل دە باسىندا سپارتاكياداعا قاتىساتىندىقتارى جايىندا ۋادە بەرگەنمەن, سوڭعى كەزەڭدە كومانداسىن اكەلمەدى. ورتا ازيادان دا كۇتكەن كوماندالار قاتىسپادى.
– ءبىز, – دەيدى ە.تالاسباەۆ, – سپارتاكيادانىڭ اۋقىمى مەن شەڭبەرىن ۇلعايتۋ ءۇشىن تمد ەلدەرىنىڭ سپورت كوميتەتىمەن بىرگە سپورتتىڭ ءار تۇرىنەن ءار كەزەڭدە وتكىزۋ جونىندە ۇسىنىس جاسادىق. بۇگىنگىدەي كلاسسيكالىق تۇردە ەمەس, ءبىر جارىس اۋانىندا بىرنەشە سپورت ءتۇرىنىڭ امبەباپ بازاسىن دايىنداۋ وڭاي شارۋا ەمەس. جارايدى, رەسەي فەدەراتسياسىندا اسكەري دەنە شىنىقتىرۋ ينستيتۋتىندا بۇل بازا بار. سوندىقتان كوميتەت وتىرىسىندا سپارتاكيادانى كەزەڭدىك چەمپيوناتقا ءبولۋ جونىندە ۇسىنىس ايتتىم. ماسەلەن, ءبىر چەمپيوناتتى قازاقستان, وزگەسىن باسقا مەملەكەتتەر السىن. وسىلايشا, بىزدەر سپورتتىڭ ءبىر تۇرىنەن مەيلىنشە قاتىسۋشىلاردى قامتىماقپىز. ەكىنشى جاعداي, ءار مەملەكەت سپارتاكياداعا سپورتتىڭ بارلىق تۇرىنەن سپورتشىلار دايىنداي الماۋى مۇمكىن. ءبىر جەردە ول سپورت ءتۇرى جاقسى دامىعان, ال باسقالارىندا باياۋ. سوندىقتان ءبىر-ەكى سپورت ءتۇرىنەن تمد ەلدەرى ءوز سپورتشىلارىن بايگەگە قوسا الادى. ال سپارتاكيادانىڭ باستى ۇرانى – “سپورت دوستىققا باستايتىن جول”. ورىن الۋ, مەدالعا يە بولۋ – ول كەيىنگى ماقساتتارىمىز.
گۇلزەينەپ سادىرقىزى, الماتى.
سانك-پەتەربۋرگتە شىلدەنىڭ 24-ءى مەن تامىزدىڭ 1-ءى ارالىعىندا تمد مەملەكەتتەرىنىڭ دوستاستىق اسكەرلەرىنىڭ ءداستۇرلى سايىسى بيىل جەڭىستىڭ 65 جىلدىعىنا ارنالدى. قازاقستان تاراپىنان 38 سپورتشى قاتىسقان دوداعا جالپى سپورتتىڭ 6 ءتۇرى قامتىلسا, ءبىزدىڭ قۇراما سولاردىڭ بەسەۋىنە, ياعني ەركىن كۇرەس, كوپسايىس, سۋعا ءجۇزۋ, نىسانا كوزدەۋ جانە گىر تاسىن كوتەرۋدەن باق سىناستى.
– بىزدىڭ اسكەريلەر وتە جاقسى ناتيجەگە قول جەتكىزدى, – دەيدى قورعانىس مينيسترلىگىنىڭ اوسك سپورت كوميتەتىنىڭ باستىعى, پولكوۆنيك ەرلان تالاسباەۆ. – جىگىتتەرىمىزدىڭ رەسەي, ۋكراينا سياقتى الەۋەتى وتە كۇشتى كوماندالار اراسىندا ەكىنشى ورىنعا شىعۋىن ءۇلكەن جەڭىس دەپ باعالايمىز. اسىرەسە, ءبىزدىڭ قورجىنىمىزعا قوماقتى ءجۇلدە سالعان سۋعا جۇزۋشىلەردىڭ تابىسىن اتاپ وتكىم كەلەدى. ولار جالپى سانى 7 التىن, 2 كۇمىس, 3 قولا مەدال جەڭىپ, كوماندالىق ەسەپتە توپ جاردى. ماسەلەن, كىشى سەرجانت س.كۋزمين – 4, اعا سەرجانت س.وسينسكي – 3 التىن مەدالدان القا تاقتى.
بايراقتى باسەكەنىڭ قورىتىندىسى بويىنشا قازاقستان قۇراماسى 11 التىن, 9 كۇمىس, 5 قولا ءجۇلدەنى ولجالاپ, جالپى ەسەپتە رەسەيدەن كەيىن 2-ءشى ورىنعا شىقتى. ال ۋكراينا 3-ءشى, بەلارۋس – 4-ءشى, ارمەنيا 5-ءشى بولسا, تاجىكستانعا سوڭعى ورىن بۇيىرىپتى.
سپورت تا قازاقستاننىڭ حالىقارالىق بەدەل-ابىرويىنا قىزمەت جاسايتىن شارانىڭ ءبىرى. وسى ورايدا قازاقستاندىق اسكەري سپورتشىلاردىڭ تابىسى جونىندە قورعانىس مينيسترلىگىنىڭ اوسك سپورت كوميتەتىنىڭ باستىعى, پولكوۆنيك ەرلان تالاسباەۆپەن اڭگىمەلەسكەنىمىزدە ول بىزگە بىلاي دەدى:
– جالپى العاندا ءبىزدىڭ قارسىلاستارىمىز دا وڭاي كوماندالار ەمەس. ماسەلەن, كۇرەستەن ارمياندار, نىسانا كوزدەۋدەن رەسەي جاقسى كوماندا دايىنداعان. ارينە, ءوز ەلىڭدە, ءوز الاڭىڭدا ولاردىڭ الەۋەتى مەن مۇمكىندىكتەرى مولداۋ بولدى. سۋعا جۇزۋدەن دە رەسەيلىكتەر مەن ۋكرايندىقتار مىقتى كوماندا جاساقتاعانىن ايتا كەتۋىمىز كەرەك.
سونىمەن بىرگە ونىڭ ايتۋىنشا, مۇنداي جاقسى كورسەتكىشتەردى باعىندىرۋىمىز قورعانىس مينيسترلىگىنىڭ اسكەري سپورتتى دامىتۋعا دەگەن بايسالدى قولداۋ كورسەتۋىنىڭ ناتيجەسى. سونداي-اق, قورعانىس ءمينيسترىنىڭ ساربازدارعا قاشاندا كوڭىل ءبولىپ, وسىنداي دودالى جارىستارعا دايىندالۋعا جەتكىلىكتى جاعدايدا قارجىلاي كومەستەسۋىندە. ەگەر مۇنداي حالىقارالىق سايىستارعا قاتىسۋىمىزعا باسشىلىقتىڭ كوزقاراسى وڭدى بولماعاندا, جوعارىداعىداي اسۋ الىنباعان بولار ەدى.
جالپى, كوماندالىق ەسەپتە ەكىنشى ورىن يەلەنۋىمىزدى ول سپورتشىلاردى تاڭداۋدا ۇلكەن جۇمىس ءجۇرگىزىلۋىمەن, ەكىنشىدەن, مينيسترلىكتىڭ قولداۋ كورسەتۋىمەن ءبىر جارىم اي بويى ءوز بازامىزدا وتە جوعارى دەڭگەيدە جاتتىقتىرۋ تسيكلى وتكىزىلگەنىمەن, ال ۇشىنشىدەن, ءجىگىتتەردىڭ كوماندالىق رۋحىمەن بايلانىستىرۋدا. “بىزدە بوتەن سپورتشى بولمادى. ءبارى اسكەري قىزمەتكەرلەر, ءبىرىن ءبىرى جاقسى ءبىلەدى. جارىستىڭ العاشقى كۇنىنەن-اق ءبىر-بىرىمەن يىقتاسىپ, ورتاق كۇشپەن قارسىلاستارىنا لايىقتى تۇرا ءبىلدى. ءبىر وتباسىنداي جۇمىلا كەلگەنىمىزدى باسقا كوماندالار دا بايقاپ, ونى اتاپ ءوتتى دە”, – دەيدى ە.تالاسباەۆ.
دەگەنمەن, ونىڭ ايتۋىنشا, سپارتاكيادا ازىرگە كوپ ەلدەر كوماندالارىن 100 پايىزعا قامتي الماي وتىر. بەلگىسىز سەبەپتەرمەن بالتىق جاعالاۋىنداعى ءۇش مەملەكەتتەن كوماندالار كەلمەي قالدى. بىراق, ول ءۇش ەل دە باسىندا سپارتاكياداعا قاتىساتىندىقتارى جايىندا ۋادە بەرگەنمەن, سوڭعى كەزەڭدە كومانداسىن اكەلمەدى. ورتا ازيادان دا كۇتكەن كوماندالار قاتىسپادى.
– ءبىز, – دەيدى ە.تالاسباەۆ, – سپارتاكيادانىڭ اۋقىمى مەن شەڭبەرىن ۇلعايتۋ ءۇشىن تمد ەلدەرىنىڭ سپورت كوميتەتىمەن بىرگە سپورتتىڭ ءار تۇرىنەن ءار كەزەڭدە وتكىزۋ جونىندە ۇسىنىس جاسادىق. بۇگىنگىدەي كلاسسيكالىق تۇردە ەمەس, ءبىر جارىس اۋانىندا بىرنەشە سپورت ءتۇرىنىڭ امبەباپ بازاسىن دايىنداۋ وڭاي شارۋا ەمەس. جارايدى, رەسەي فەدەراتسياسىندا اسكەري دەنە شىنىقتىرۋ ينستيتۋتىندا بۇل بازا بار. سوندىقتان كوميتەت وتىرىسىندا سپارتاكيادانى كەزەڭدىك چەمپيوناتقا ءبولۋ جونىندە ۇسىنىس ايتتىم. ماسەلەن, ءبىر چەمپيوناتتى قازاقستان, وزگەسىن باسقا مەملەكەتتەر السىن. وسىلايشا, بىزدەر سپورتتىڭ ءبىر تۇرىنەن مەيلىنشە قاتىسۋشىلاردى قامتىماقپىز. ەكىنشى جاعداي, ءار مەملەكەت سپارتاكياداعا سپورتتىڭ بارلىق تۇرىنەن سپورتشىلار دايىنداي الماۋى مۇمكىن. ءبىر جەردە ول سپورت ءتۇرى جاقسى دامىعان, ال باسقالارىندا باياۋ. سوندىقتان ءبىر-ەكى سپورت ءتۇرىنەن تمد ەلدەرى ءوز سپورتشىلارىن بايگەگە قوسا الادى. ال سپارتاكيادانىڭ باستى ۇرانى – “سپورت دوستىققا باستايتىن جول”. ورىن الۋ, مەدالعا يە بولۋ – ول كەيىنگى ماقساتتارىمىز.
گۇلزەينەپ سادىرقىزى, الماتى.
