شاعىن نەسيەنىڭ جاڭا باعدارلاماسى اۋىلداعى بالامالى قىزمەتتەردى دامىتۋعا ارنالدى

اۋىل شارۋاشىلىعى ءمينيسترلى­گى­نىڭ ورمان جانە اڭشىلىق شارۋا­شى­لىعى كوميتەتى مەن “اۋىل شارۋا­شى­لىعىن قارجىلاي قولداۋ قورى” اق اراسىندا قازاقستانداعى بۇۇ دامۋ باعدارلاماسىنىڭ قاتىسۋىمەن بالامالى قىزمەت تۇرلەرىن دامىتۋ ءۇشىن شاعىن نەسيە بەرۋ جونىندەگى بەس جىلدىق باعدارلامانى جۇزەگە اسىرۋ تۋرالى كەلىسىمگە قول قويىلدى. باعدار­لامانىڭ ماقساتى – ەرەكشە قورعا­لاتىن تابيعي اۋماقتارعا (قو­رىق­تار, ۇلتتىق پاركتەر مەن تابيعي رەزەر­ۆاتتار) ىرگەلەس ورنالاسقان اۋىل حالقىنا شارۋاشىلىق قىزمەتتىڭ بالامالى تۇرلەرىن دامىتۋ جانە جەرگىلىكتى تۇرعىنداردىڭ تىرشىلىگىن جاقسارتۋ ءۇشىن كومەكتەسۋ, ەكولو­گيالىق جاعدايدىڭ جاقسارۋىنا ىقپال ەتۋ بولىپ تابىلادى. بۇرىن مۇنداي شاعىن نەسيە ءتۇرى قورعالجىن مەن الاكول قورىقتارىنا  جانە سەمەي ورمانىنا جاقىن ور­نالاسقان اۋىل تۇرعىندارىنا بەرىلگەن بولاتىن. ەندى شاعىن نەسيەمەن قامتۋ اياسى كەڭەيىپ, وعان ەرەكشە قورعالا­تىن بارلىق اۋماقتارعا جاقىن ورنالاسقان اۋىلدار كىرەتىن بولىپ وتىر. ءبىر شاعىن نەسيەنىڭ ەڭ جوعارعى كولەمى – 4,4 ميلليون تەڭگە. ال باعدارلامانىڭ جالپى سوماسى 940 مىڭ دوللار تۇرادى. وسى بويىنشا بيوارتۇرلىلىكتى ساقتاۋعا, اۋىل, ورمان, بالىق جانە اڭشىلىق شارۋاشى­لىقتارىن جۇرگىزۋدىڭ ەكولوگيالىق قاۋىپسىز ادىستەرىن ەنگىزۋگە بارىنشا ەكپىن تۇسىرىلمەك. سۇڭعات ءالىپباي.