الماتىدا پانفيلوۆتىڭ نەمەرەسىن بەلگىسىز بىرەۋلەر سوققىعا جىقتى

استانا. 4 ءساۋىر. كەڭەس وداعىنىڭ باتىرى يۆان پانفيلوۆتىڭ نەمەرەسى,  ەلىمىزدىڭ تانىمال كومپوزيتورى باقىتجان بايقاداموۆتىڭ قىزى ايگۇل بايقاداموۆانى ءوزىنىڭ ءۇيىنىڭ الدىندا بەلگىسىز بىرەۋلەر سوققىعا جىعىپ كەتتى. بۇل تۋرالى tengrinews.kz حابارلادى. ا.بايقاداموۆا: «مەنى سوقىلاعاندار الدە بىرەۋلەردەن تاپسىرىس العان. تاياۋدا عانا مەن الەۋمەتتىك جەلى ارقىلى «گەورگي لەنتاسى» جايلى اشىق ويىمدى بىلدىرگەن ەدىم. قاشاندا تۋراسىن ايتاتىن مەنىڭ پىكىرىم قارسىلاستارىما ۇنامادى», – دەيدى. ايتا كەتەيىك, وقيعا 2 ءساۋىر كۇنى, قاس قارايعان ۋاقىتتا ورىن العان. اۋلاداعى كولىك جايدىڭ الدىندا سوققىعا جىعىلعان جابىرلەنۋشىنى سول ماڭنان ءوتىپ بارا جاتقان جىگىت كورىپ, كومەككە كەلگەن. الگى جىگىت دارىگەرلىك جەدەل جاردەم شاقىرعان. الايدا, پوليتسياعا حابارلاسۋدى ايگۇل بايقاداموۆانىڭ ءوزى ءجون ساناماپتى. بويىنان ۇرەي بايقالماعان ول: «مەن باتىردىڭ ۇرپاعىمىن», – دەيدى. پوليتسەيلەردىڭ ايتۋىنشا, قازىرگى تاڭدا جەدەل-تەرگەۋ شارالارى جۇرگىزىلىپ جاتىر. تەرگەۋ اياسىندا سوت-مەديتسينالىق ساراپتاما بەلگىلەندى. تالعات رايىمبەك. دەرەك, سۋرەت: tengrinews.kz.