شىمكەنتتە بەلگىلى كاسىپكەر اقشا قىمقىردى دەگەن كۇدىك تۋدىردى

استانا. 4 ءساۋىر. شىمكەنتتەگى «يۋجپوليمەتالل» وك» اكتسيونەرلىك قوعامىنىڭ پرەزيدەنتى مەن اتالمىش قۇرىلىمنىڭ زاڭگەرى اليانس بانكتەن 61 ملن. اقش دوللارىن زاڭسىز جولمەن الدى دەگەن كۇدىكپەن قاماۋعا الىندى. بۇل تۋرالى kapital.kz حابارلادى. حابارلامادا كورسەتىلگەندەي, شىمكەنت قالاسىنداعى ەنبەكشى اۋداندىق سوتى قىلمىستىق-اتقارۋ كودەكسىنىڭ 147-148-باپتارى بويىنشا كومپانيا پرەزيدەنتى ت.ا. (تۇرسىنبەك اسانباەۆ – رەد.) مەن زاڭگەر د.ب.-نى اليانس بانكتەن 61 ملن. اقش دوللارىن قىمقىردى دەگەن كۇدىك نەگىزىندە 2 ايعا قاماۋعا الۋ تۋرالى قاۋلى شىعارعان. ايتا كەتەيىك,  تۇرسىنبەك اسانباەۆ – اتالمىش قۇرىلىمنىڭ پرەزيدەنتى ءارى جالعىز قۇرىلتايشىسى سانالادى. ول بۇرىن «شىمكەنت قورعاسىن زاۋىتى» اق-تىڭ كوممەرتسيالىق ديرەكتورى, كەيىن پرەزيدەنتى بولعان. ال 1999 جىلدان بەرى «يۋجپوليمەتالل» وك» اكتسيونەرلىك قوعامىنىڭ پرەزيدەنتى قىزمەتىن اتقارۋدا. سونداي-اق, ت.اسانباەۆ ءار جىلداردا «اتامەكەن» وداعى» ۇلتتىق ەكونوميكالىق پالاتاسىنىڭ, پرەزيدەنت جانىنداعى كاسىپكەرلەر كەڭەسىنىڭ مۇشەسى جانە وڭتۇستىك قازاقستان وبلىستىق ءماسليحاتىنىڭ دەپۋتاتى بولعان. جولدىباي بازار. دەرەك, سۋرەت: kapital.kz.