الماتى. 20 مامىر. الماتىدا جول تالعامايتىن Land Cruiser اۆتوكولىگىن تىزگىندەگەن جۇرگىزۋشى №58 بالاباقشانىڭ دۋالىن قيراتىپ, اۋلادا ويناپ وتىرعان بالالاردى باسىپ كەتتى. بۇل تۋرالى zakon.kz حابارلادى.
وقيعادان سوڭ بەلگىلى بولعانىنداي, جۇرگىزۋشى تەجەگىشتىڭ ورنىن شاتاستىرىپ, جىلدامدىق تەتىگىن باسىپ جىبەرگەن. كولىك جولىنداعىنىڭ ءبارىن جاپىرىپ, بالاباقشا اۋلاسىنان ءبىر-اق شىققان. وقيعا ورنىندا 5 جاسار ءبۇلدىرشىن قازا تاپسا, 4 بالا اۋرۋحاناعا ءتۇستى. كەيبىر اقپارات كوزدەرىندە 8 جەتكىنشەكتىڭ جاراقات العانى ايتىلىپ وتىر.
ايتا كەتەيىك, وقيعاعا سەبەپكەر كولىك تىزگىندەگەن ايەل كىسى قاماۋعا الىندى. ازىرگە پوليتسەيلەر وقيعانىڭ انىق-قانىعىن ناقتىلاي ءتۇسۋ ءۇشىن تەرگەۋگە كىرىستى.
تالعات ءسۇيىنباي.
دەرەك: zakon.kz.
سۋرەت: tengrinews.kz.
