28-29 ناۋرىزدا جوعارعى قىسىم ايماعىنىڭ وڭتۇستىك سىلەمىندە قالعان ماڭعىستاۋ وبلىسىنىڭ بارلىق جەرىندە دەرلىك شىعىس, وڭتۇستىك-شىعىس باعىتىنداعى جەل كوتەرىلىپ, جەلدىڭ ەڭ جوعارعى جىلدامدىعى تۇپقاراعان, ماڭعىستاۋ اۋداندارىندا 25 م/س-قا دەيىن جەتتى. شاڭدى داۋىل كوتەرىلىپ, كورىنۋ قاشىقتىعى كەي جەرلەردە 200 م-گە دەيىن تومەندەدى.
ماڭعىستاۋدا شاڭدى داۋىل ناۋرىزدىڭ 28-ءى كۇنى كەشتە باستالدى. كوز كورسەتپەيتىن اق شاڭ, اسىرەسە, شەتپە, اقتاۋ, جەتىباي, جاڭاوزەن ءۇستىن تۇمشالاپ العان. سەكۋندىنا 25 مەترلىك جىلدامدىقپەن ۇيتقي سوققان سۋىق جەل مەن وعان ىلەسە الاقۇيىن بولعان شاڭ ادامداردىڭ ءجۇرىپ-تۇرۋىنا, كولىكتەردىڭ قوزعالىسىنا كەرى اسەرىن تيگىزۋدە. ال تۇرعىنداردىڭ حابارلاۋىنشا, «ماڭعىستاۋدىڭ قىرى» سانالاتىن بەينەۋ اۋدانىنىڭ كەيبىر اۋماقتارىنا قىس قايتا ورالىپ, ايازدان سۋ قاتىپ, ۇسكىرىك بەت قاراتپاي تۇردى.
قاتتى جەلدىڭ جانە جولدى انىق كورسەتپەي بۇركەپ العان شاڭنىڭ اسەرىنەن جەكسەنبى كۇنى جەتىبايداعى ۆاحتالىق جۇمىسىنا بارا جاتقان جۇمىسشىلاردى تيەگەن اۆتوبۋس اۋدارىلسا, مۇنايلى اۋدانىندا ەكى جەڭىل كولىك سوقتىعىسىپ قالدى. ابىروي بولعاندا, ادام شىعىنى جوق. ال وسى كۇنى قۇرىق اۋىلىنداعى 1988 جىلى سالىنعان, بىراق وسىدان بىرنەشە جىلدار بۇرىن كۇردەلى جوندەۋدەن وتكەن №6 ورتا مەكتەپتىڭ شاتىرى ۇشىپ كەتكەن. ۇشقان شاتىر كولەمى 1070 شارشى مەتردى قۇرادى. تىعىز شارۋا بولماسا, جولعا, ءتىپتى كوشەگە شىعۋدىڭ قاۋىپتىلىگى تۋىندادى. وسىعان وراي, قۇقىق قورعاۋشىلار جول-كولىك قاتىناستارىنىڭ قاۋىپسىزدىگى شارالارىن شۇعىل قولعا الدى.
– ناۋرىز ايىنىڭ جىلى بولىپ وتكەن ءبىرىنشى جارتىسىنان كەيىن, ماڭعىستاۋ وبلىسىنا ءتان, اسىرەسە, كوكتەم ماۋسىمىندا قايتالانعىشتىعى جوعارى سينوپتيكالىق جاعداي ورىن الدى. رەسەيدىڭ ەۋروپالىق بولىگىنەن جىلجىعان سكانديناۆتىق قۋاتتى سۋىق انتيتسيكلون اعىنى ەلىمىزدىڭ باتىس ايماعىندا تۇراقتادى. سونداي-اق, جوعارى قىسىم اسەرىنەن سۋىق اركتيكالىق شەپتەردىڭ وبلىس كولەمىنە ىعىسۋى, اۋا تەمپەراتۋراسىنىڭ كۇرت تومەندەۋىنە اكەلىپ سوقتىردى. كەلەسى تاۋلىكتە, 31 ناۋرىز كۇنى قارا تەڭىزدەن جىلجىعان تسيكلوننىڭ اسەرىنەن اقتاۋ قالاسى جانە وبلىسىمىزدا ازداعان قار ارالاس جاۋىن-شاشىن كۇتىلەدى, تۇندە اۋا تەمپەراتۋراسى 0-5 ºس, كەي جەرلەردە -8 ºس دەيىن بولماق, دەيدى ينجەنەر-سينوپتيك د.يلياسوۆا.
ماڭعىستاۋدا جەل مەن شاڭ تاڭعالارلىق قۇبىلىس ەمەس, الايدا, بۇل جولعى شاڭنىڭ ءتۇرى بولەك بولىپ تۇر. سوڭعى ەكى-ءۇش جىلدان بەرى جاۋىن-شاشىنى جەتكىلىكسىز بولىپ, جەرى جۇتاڭ تارتقان ءوڭىر تۇرعىندارىن كوكتەمنىڭ الا شاڭمەن باستالۋى ابىرجىتىپ وتىر.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
سۋرەتتى تۇسىرگەن
تالانت قۇسايىن.
ماڭعىستاۋدا شاڭدى داۋىل ناۋرىزدىڭ 28-ءى كۇنى كەشتە باستالدى. كوز كورسەتپەيتىن اق شاڭ, اسىرەسە, شەتپە, اقتاۋ, جەتىباي, جاڭاوزەن ءۇستىن تۇمشالاپ العان. سەكۋندىنا 25 مەترلىك جىلدامدىقپەن ۇيتقي سوققان سۋىق جەل مەن وعان ىلەسە الاقۇيىن بولعان شاڭ ادامداردىڭ ءجۇرىپ-تۇرۋىنا, كولىكتەردىڭ قوزعالىسىنا كەرى اسەرىن تيگىزۋدە. ال تۇرعىنداردىڭ حابارلاۋىنشا, «ماڭعىستاۋدىڭ قىرى» سانالاتىن بەينەۋ اۋدانىنىڭ كەيبىر اۋماقتارىنا قىس قايتا ورالىپ, ايازدان سۋ قاتىپ, ۇسكىرىك بەت قاراتپاي تۇردى.
قاتتى جەلدىڭ جانە جولدى انىق كورسەتپەي بۇركەپ العان شاڭنىڭ اسەرىنەن جەكسەنبى كۇنى جەتىبايداعى ۆاحتالىق جۇمىسىنا بارا جاتقان جۇمىسشىلاردى تيەگەن اۆتوبۋس اۋدارىلسا, مۇنايلى اۋدانىندا ەكى جەڭىل كولىك سوقتىعىسىپ قالدى. ابىروي بولعاندا, ادام شىعىنى جوق. ال وسى كۇنى قۇرىق اۋىلىنداعى 1988 جىلى سالىنعان, بىراق وسىدان بىرنەشە جىلدار بۇرىن كۇردەلى جوندەۋدەن وتكەن №6 ورتا مەكتەپتىڭ شاتىرى ۇشىپ كەتكەن. ۇشقان شاتىر كولەمى 1070 شارشى مەتردى قۇرادى. تىعىز شارۋا بولماسا, جولعا, ءتىپتى كوشەگە شىعۋدىڭ قاۋىپتىلىگى تۋىندادى. وسىعان وراي, قۇقىق قورعاۋشىلار جول-كولىك قاتىناستارىنىڭ قاۋىپسىزدىگى شارالارىن شۇعىل قولعا الدى.
– ناۋرىز ايىنىڭ جىلى بولىپ وتكەن ءبىرىنشى جارتىسىنان كەيىن, ماڭعىستاۋ وبلىسىنا ءتان, اسىرەسە, كوكتەم ماۋسىمىندا قايتالانعىشتىعى جوعارى سينوپتيكالىق جاعداي ورىن الدى. رەسەيدىڭ ەۋروپالىق بولىگىنەن جىلجىعان سكانديناۆتىق قۋاتتى سۋىق انتيتسيكلون اعىنى ەلىمىزدىڭ باتىس ايماعىندا تۇراقتادى. سونداي-اق, جوعارى قىسىم اسەرىنەن سۋىق اركتيكالىق شەپتەردىڭ وبلىس كولەمىنە ىعىسۋى, اۋا تەمپەراتۋراسىنىڭ كۇرت تومەندەۋىنە اكەلىپ سوقتىردى. كەلەسى تاۋلىكتە, 31 ناۋرىز كۇنى قارا تەڭىزدەن جىلجىعان تسيكلوننىڭ اسەرىنەن اقتاۋ قالاسى جانە وبلىسىمىزدا ازداعان قار ارالاس جاۋىن-شاشىن كۇتىلەدى, تۇندە اۋا تەمپەراتۋراسى 0-5 ºس, كەي جەرلەردە -8 ºس دەيىن بولماق, دەيدى ينجەنەر-سينوپتيك د.يلياسوۆا.
ماڭعىستاۋدا جەل مەن شاڭ تاڭعالارلىق قۇبىلىس ەمەس, الايدا, بۇل جولعى شاڭنىڭ ءتۇرى بولەك بولىپ تۇر. سوڭعى ەكى-ءۇش جىلدان بەرى جاۋىن-شاشىنى جەتكىلىكسىز بولىپ, جەرى جۇتاڭ تارتقان ءوڭىر تۇرعىندارىن كوكتەمنىڭ الا شاڭمەن باستالۋى ابىرجىتىپ وتىر.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
سۋرەتتى تۇسىرگەن
تالانت قۇسايىن.
