فوتو: بەينەجازبادان
VIP-ءنومىرلى گەلەندۆاگەن كولىگىن تىكەلەي تروتۋارعا قويعان 32 جاستاعى ايەلگە قاتىستى تارتىپتىك شارالار قولدانىلعانىمەن, وعان مينسكىدە قالۋعا سوڭعى مۇمكىندىك بەرىلدى.
بۇعان دەيىن ول ليۋكس ساناتىنداعى كولىكپەن بىرنەشە رەت جول ەرەجەسىن بۇزعان. اتاپ ايتقاندا, جۇرگىزۋشى كولىگىن مۇگەدەكتەرگە ارنالعان ورىنعا قويىپ, بالاسىن ارنايى قاۋىپسىزدىك ورىندىعىنسىز تاسىمالداعان.
پوليتسيا قىزمەتكەرلەرى وعان ايىپپۇل سالىپ, ەلدەن شىعارماق بولعان. الايدا ايەلدىڭ ءتورت كامەلەتكە تولماعان بالاسى بار ەكەنىن ەسكەرە وتىرىپ, وعان سوڭعى مۇمكىندىك بەرۋ تۋرالى شەشىم قابىلدانعان.
«ىشكى ىستەر مينيسترلىگى ءبىزدىڭ قوناقتار ءۇشىن اكىمشىلىك قۇقىق بۇزۋشىلىقتاردى بىرنەشە رەت قايتالاۋ ەلدەن شىعارۋ شاراسىنا اكەلۋى مۇمكىن ەكەنىن ەسكە سالادى. الايدا ايەلدىڭ قاراۋىندا ءتورت كامەلەتكە تولماعان بالاسى بار ەكەنىن ەسكەرە وتىرىپ, مينيسترلىك وعان سوڭعى مۇمكىندىك بەرۋ تۋرالى شەشىم قابىلدادى», دەلىنگەن حابارلامادا.
اقتوعايدا تەمىرجول نىساندارىنىڭ بىرىندە شەتەلدىكتەر زاڭسىز جۇمىس ىستەگەن
ەسكە سالا كەتەيىك, بۇعان دەيىن استانادا دريفت جاساعان شەتەلدىك ازامات ۇستالعان بولاتىن.
