وقۋ-اعارتۋ مينيسترلىگى مەكتەپكە دەيىنگى ءبىلىم بەرۋ دەپارتامەنتى ديرەكتورىنىڭ مىندەتىن اتقارۋشى گ.يسكاكوۆا جاۋابىندا ءبىلىم جانە عىلىم ءمينيسترىنىڭ 2020 جىلعى 22 مامىرداعى №216 بۇيرىعىمەن «ورتا ءبىلىم بەرۋ ۇيىمدارىنا ارنالعان جەكەلەگەن پاندەر بويىنشا وقۋلىقتار مەن بازالىق وقۋلىقتاردىڭ, مەكتەپكە دەيىنگى ۇيىمدارعا, ورتا ءبىلىم بەرۋ ۇيىمدارىنا ارنالعان وقۋ-ادىستەمەلىك كەشەندەردىڭ (بۇدان ءارى – واك), ونىڭ ىشىندە ەلەكتروندىق نىسانداعى تىزبەسىن بالالاردىڭ جاس ەرەكشەلىكتەرىنە قاراي باسشىلىققا الىنعانى تۋرالى جازىلعان. اتالعان نورماتيۆكە سايكەس پەداگوگكە ادىستەمەلىك كومەك رەتىندە واك, كوركەم ادەبيەت بويىنشا ادىستەمەلىك نۇسقاۋلىق, ۇلەستىرمەلى ماتەريال, حرەستوماتيا قامتاماسىز ەتىلەدى. سونىمەن قاتار پەداگوگتەردىڭ كاسىبي قۇزىرەتتىلىكتەرىن جوعارىلاتۋ باعىتىندا ادىستەمەلىك سۇيەمەلدەۋ جۇمىسى, سەمينارلار, ترەنينگتەر, رەسپۋبليكالىق كونكۋرستار, بىلىكتىلىكتى ارتتىرۋ كۋرستارى, ءتۇسىندىرۋ جۇمىستارى جۇرگىزىلىپ جاتىر
ەكەن.
«وقۋشىلاردىڭ قازاق ءتىلى مەن ادەبيەتىنە قىزىعۋشىلىعىن ارتتىرۋ, ولاردىڭ شىعارماشىلىق قابىلەتتەرى مەن تانىمدىق قىزىعۋشىلىقتارىن انىقتاپ, دامىتۋ, دارىندى بالالاردى قولداۋ ماقساتىندا وليمپيادالار مەن بايقاۋلار وتكىزىلەدى. ى.التىنسارين اتىنداعى ۇلتتىق ءبىلىم اكادەمياسى PIRLS كريتەريلەرى نەگىزىندە مۇعالىمدەرگە ادىستەمەلىك ۇسىنىمدار ازىرلەپ جاتىر. مەملەكەت باسشىسىنىڭ تاپسىرماسى اياسىندا بالالاردىڭ كىتاپقا قۇشتارلىعىن ارتتىرۋ جانە كىتاپحانالاردى ادەبيەتتەرمەن قامتاماسىز ەتۋ ماقساتىندا رەسپۋبليكا دەڭگەيىندە «بالالار كىتاپحاناسى» باعدارلاماسى جۇزەگە اسىرىپ كەلەدى. باعدارلاما اياسىندا شىمكەنتتەگى №145 مەكتەپتە «مەنىڭ سۇيىكتى كىتابىم» رەسپۋبليكالىق چەللەندجى وتكىزىلگەن, سونداي-اق بالالاردىڭ كانيكۋلداعى بوس ۋاقىتىن ءتيىمدى ۇيىمداستىرۋ ماقساتىندا ارنايى كوركەم ادەبيەتتەر ءتىزىمى مەن ادىستەمەلىك گايدبۋكتەر ازىرلەنىپ, ءبىلىم بەرۋ ۇيىمدارىنا جولداندى. ۇلتتىق كىتاپ كۇنى قارساڭىندا ۇيىمداستىرىلعان «بالالار ادەبيەتى – رۋحاني تاربيە باستاۋى» ونكۇندىگىنە رەسپۋبليكا بويىنشا 1,3 ملن ادام قاتىسىپ, مادەني-اعارتۋشىلىق ءىس-شارالار وتكىزىلدى», دەلىنگەن حاتتا.
جاۋاپ حاتتا جازىلعانداي, مينيسترلىك ءبىلىم الۋشىلاردىڭ وقۋ ساۋاتتىلىعىن ارتتىرۋ باعىتىندا جۇيەلى جۇمىس اتقارىلىپ جاتقانى, بۇل شارالار ءبىلىم مازمۇنىن جاڭارتۋدى, وقۋلىقتاردى ساپالى ىرىكتەۋدى, باعالاۋدىڭ زاماناۋي تاسىلدەرىن ەنگىزۋدى قامتيتىنى ايتىلعان.
وقىتۋ ىسىنە جاۋاپ جوعارى ۇيىم وسىلايشا بالالاردى گازەت-جۋرنال, كىتاپ وقۋعا باۋليتىن ناۋقاندىق ءىس-شارالار ەسەبىن بەرگەندەي بولعان. ال ءبىزدىڭ ماقالادا سول بالالار مەن وقۋشىلاردى كوركەم ادەبيەت, باسىلىمدار وقۋعا باۋليتىن تاربيەشىلەر مەن مۇعالىمدەر داعدىسىنىڭ كەمشىن ەكەنى كورسەتىلەن ەدى. بۇعان قاتىستى جاۋاپتى اتالعان حاتتان كوزىمىز شالمادى. گازەت وقىماعان ماماندار ۇرپاقتى قالاي تاربيەلەمەك؟ دەگەنمەن كەرى بايلانىسقا بەيجاي قاراماعان مينيسترلىك وكىلدەرىنە ريزاشىلىعىمىزدى بىلدىرەمىز. بۇل ماسەلەنى گازەت ۇجىمى الداعى ۋاقىتتا دا ءجىتى نازاردا ۇستايدى.
