قورجىنىندا وليمپيا ويىندارىنىڭ تولىق جۇلدە جيىنتىعى, الەم چەمپيوناتىنىڭ التىنى مەن قوس قولاسى, باسقا دا تولىپ جاتقان مەدالدارى بار دارابوزدىڭ تاتاميگە شىقپاعانىنا ەكى جىلعا جۋىقتادى. سول ۋاقىت ارالىعىندا داڭقتى بالۋان وپەراتسيا جاساتتى, ەم-دوم قابىلدادى, شەتەلدە ءبىلىم الدى. ءبىر سوزبەن ايتساق, ۋاقىتىن بوس وتكىزگەن جوق. ەندى ەلدوس تاتاميگە قايتا ورالۋعا بەكىنىپ وتىر. باستى ماقساتى – تىڭعىلىقتى جاتتىعىپ, قايتا بابىنا كەلىپ, الداعى جارىستاردا جانكۇيەرلەرىن جارقىن جەڭىستەرىمەن قۋانتۋ.
اسا جەڭىل سالماقتا ە.سمەتوۆپەن بىرگە جالىندى جاس تالعات ورىنباساردىڭ ونەرىن تاماشالايمىز. پاريج وليمپياداسىنىڭ قولا جۇلدەگەرى عۇسمان قىرعىزباەۆ (66 كگ) پەن الەم چەمپيوناتىندا ءۇش رەت جەڭىس تۇعىرىنا كوتەرىلگەن ءابيبا ابۋجاقىنوۆا (48 كگ), جاقىندا عانا بىشكەكتە ازيا چەمپيونى اتانعان دزيۋدوشىمىز ادىلەت المات (81 كگ) تا بوزكىلەمگە شىعادى.
تسينداودا جوعارىدا ەسىمدەرى اتالعان بەلدى بالۋانداردان بولەك, باقىتجان ءابدۋراحمانوۆ, ەرسۇلتان دۇيسەنحان (73 كگ), ابىلايحان جۇبانازار (81 كگ), ايدار اراپوۆ, دانيل كرىلوۆ (90 كگ), اسقار ءبىرجانوۆ, باقجان بايتاس (100 كگ) كۇش سىناسادى. ايەلدەر سايىسىندا مەرۋەرت سارسەنوۆا (52 كگ), باقىت قۇساقباەۆا (57 كگ), ەسميگۇل كۋيۋلوۆا (63 كگ), اجار اسحات, ءمولدىر نارىنوۆا (70 كگ), ارۋنا جانگەلدينا, ەكاتەرينا توكارەۆا (78 كگ), ايدا تويشىبەكوۆا مەن نازگۇل ماراتوۆا (+ 78 كگ) سايىسقا تۇسەدى.
