فوتو: gov.kz
ولاردىڭ قاتارىندا جۋىردا پارلامەنت ەكىنشى وقىلىمدا قابىلداعان «قازاقستان حالىق كەڭەسى تۋرالى» كونستيتۋتسيالىق زاڭ جوباسى دا بار. قازاقستان حالىق كەڭەسىن قۇرۋ باستاماسىن پرەزيدەنت قاسىم-جومارت توقاەۆ 2026 جىلى قىزىلوردادا وتكەن V ۇلتتىق قۇرىلتايدا ۇسىندى.
اشىق ءارى ينكليۋزيۆتى مەملەكەتتىك باسقارۋدى دامىتۋعا باعىتتالعان جاڭا مەملەكەتتىك ورگانعا ىشكى ساياساتتىڭ نەگىزگى باعىتتارى بويىنشا ۇسىنىستار ازىرلەۋ, قۇرىلتايعا زاڭ جوبالارىن ەنگىزۋ, جالپىحالىقتىق رەفەرەندۋم وتكىزۋ تۋرالى باستاما كوتەرۋ, سونداي-اق مەملەكەت پەن ازاماتتىق قوعام اراسىنداعى ديالوگتى قامتاماسىز ەتۋ وكىلەتتىكتەرى بەرىلەدى. سونىمەن قاتار, وعان الەمدىك جانە ءداستۇرلى دىندەر كوشباسشىلارىنىڭ سەزىن ۇيىمداستىرۋ جانە وتكىزۋ فۋنكتسياسى جۇكتەلىپ وتىر.
سونىمەن قاتار زاڭ بويىنشا قازاقستان حالىق كەڭەسىنىڭ ناقتى ۇيىمداستىرۋشىلىق مودەلى قالىپتاسادى. نەگىزگى ماسەلەلەر بويىنشا شەشىم قابىلدايتىن سەسسيا ونىڭ جوعارعى ورگانى بولادى. جەكەلەگەن ناقتى باعىتتاردى پىسىقتاۋ ءۇشىن تۇراقتى جانە ۋاقىتشا كوميتەتتەر, سالالىق كوميسسيالار مەن جۇمىس توپتارىن قۇرۋ كوزدەلىپ وتىر. ال جۇمىستى ۇيىمداستىرۋشىلىق جانە تالدامالىق تۇرعىدا قولداۋدى مەملەكەتتىك ورگان رەتىندە قۇرىلاتىن قازاقستان حالىق كەڭەسىنىڭ حاتشىلىعى قامتاماسىز ەتەدى.
قازاقستان حالىق كەڭەسىنە وڭىرلىك قوعامدىق كەڭەستەرمەن تىعىز بايلانىستا جۇمىس ىستەپ, ازاماتتاردىڭ جەرگىلىكتى دەڭگەيدەگى ماسەلەلەرىن ورتالىق دەڭگەيگە جەتكىزەتىن جانە ولاردى ناقتى شەشىمدەرگە اينالدىرۋعا مۇمكىندىك بەرەتىن ءتيىمدى كەرى بايلانىس تەتىگى رەتىندە قىزمەت اتقارادى.
پرەزيدەنت, قۇرىلتاي جانە حالىق كەڭەسى: توقاەۆ جاڭا زاڭدارعا قول قويدى
كەڭەسكە18 جاستان اسقان, قوعامدىق تاجىريبەسى بار, سوتتىلىعى مەن سىبايلاس جەمقورلىق فاكتىلەرى جوق قازاقستان ازاماتتارى مۇشە بولا الادى.
ەسكە سالا كەتەيىك, كەشە سەنات سپيكەرى ماۋلەن اشىمباەۆتىڭ توراعالىعىمەن پالاتا وتىرىسىندا جوعارى پالاتا وكىلدەرى جاڭا كونستيتۋتسيانى ىسكە اسىرۋعا باعىتتالعان بىرقاتار زاڭدى ماقۇلدادى.
