فوتو: istockphoto.com
پوليتسيا مالىمەتىنشە, 00:22-دە «102» ارناسىنا كوپقاباتتى ءۇي اۋلاسىندا فەيەرۆەرك اتىلىپ جاتقانى تۋرالى حابار تۇسكەن. وقيعا ورنىنا كەلگەن ءتارتىپ ساقشىلارى 33 جاستاعى ەر ادامنىڭ پيروتەحنيكا قولدانعانىن انىقتاعان.
تۇنگى ۋاقىتتا تۇرعىنداردىڭ تىنىشتىعىن بۇزعانى ءۇشىن ەر ادامعا اكىمشىلىك قۇقىق بۇزۋشىلىق تۋرالى كودەكستىڭ 436-بابىنىڭ 2-بولىگى بويىنشا حاتتاما تولتىرىلدى. باپ بويىنشا وعان 20 اەك مولشەرىندە, ياعني 86 500 تەڭگە ايىپپۇل تولەۋ مىندەتتەلدى.
ۇندىستانداعى فەيەرۆەرك زاۋىتىندا جارىلىس بولدى: 23 ادام قازا تاپتى
پوليتسيا تۇرعىندارعا تۇنگى ۋاقىتتا قوعامدىق ءتارتىپتى ساقتاۋ قاجەتتىگىن ەسكەرتەدى.
ەسكە سالا كەتەيىك, جۋىردا قىتايدىڭ حۋنان پروۆينتسياسى اۋماعىنداعى فەيەرۆەرك زاۋىتىندا جارىلىس بولدى. اپات سالدارىنان 21 ادام قازا تاۋىپ, 61 ادام جاراقات الدى.
