فوتو: GROK
ساراپشىلاردىڭ مالىمەتىنشە, باعانىڭ ەڭ كوپ تومەندەۋى اقتاۋدا تىركەلدى. مۇندا باسپانا قۇنى 2,5% ارزانداعان. سونىمەن قاتار استانادا پاتەر باعاسى شامامەن 2%-عا, ال الماتىدا 1,7%-عا تومەندەپ وتىر.
ەلىمىزدىڭ وزگە قالالارىندا دا تەرىس ديناميكا بايقالادى. قاراعاندى, قىزىلوردا جانە شىمكەنت قالالارىندا ەكىنشى نارىقتاعى تۇرعىن ءۇي باعاسى تومەندەگەن.
الايدا ساراپشىلار بۇل وزگەرىسكە قاراپ, اسىعىس قورىتىندى جاساماۋعا شاقىرادى. ولاردىڭ ايتۋىنشا, باسپانا باعاسى ءالى دە جوعارى دەڭگەيدە قالىپ وتىر جانە قازىرگى تۇزەتۋ نارىقتاعى جالپى احۋالدى تۇبەگەيلى وزگەرتە قويعان جوق.
مامانداردىڭ پىكىرىنشە, الداعى ۋاقىتتا تۇرعىن ءۇي نارىعىنداعى وزگەرىستەرگە مۇقيات نازار اۋدارۋ قاجەت. سەبەبى بۇل سالا ەكونوميكالىق جاعدايعا, يپوتەكالىق نەسيە كولەمىنە جانە حالىقتىڭ ساتىپ الۋ بەلسەندىلىگىنە تىكەلەي بايلانىستى.
ەسكە سالايىق, 2026 جىلدىڭ قاڭتارىندا قازاقستاننىڭ ەكىنشى نارىعىنداعى تۇرعىن ءۇي باعاسى قالالاردىڭ باسىم بولىگىندە قىمباتتاعان.
