فوتو استانادا ەكى ەل باسشىلارىنىڭ كەزدەسۋى كەزىندە تۇسىرىلگەن. كادرداعى جىلى اتموسفەرا الەۋمەتتىك جەلى قولدانۋشىلارىنىڭ ۇلكەن قىزىعۋشىلىعىن تۋدىردى.
پرەزيدەنت جازباسىندا: «قادىرلى باۋىرىم رەجەپ تايپ ەردوعانمەن رەزيدەنتسيامداعى ەمەن-جارقىن اڭگىمەلەسۋ ساتىنەن. استانا.13 مامىر», دەپ جازعان.
جەلى قولدانۋشىلارى بۇل سۋرەتتى باۋىرلاستىقتىڭ, ءوزارا قۇرمەتتىڭ جانە تۇركى حالىقتارىنىڭ بىرلىگىنىڭ سيمۆولى رەتىندە باعالاپ, «قازاقستان مەن تۇركيا دوستىعى نىعايا بەرسىن», «ناعىز باۋىرلاستىق ەكراننان دا سەزىلەدى», «حالىقتارىمىزدىڭ بىرلىگى ماڭگى بولسىن» دەگەن جازبالار قالدىرعان.
ەسكە سالا كەتەيىك, رەجەپ تايپ ەردوعان قازاقستانعا مەملەكەتتىك ساپارمەن 13 مامىر كەشىندە كەلدى. ونى اۋەجايدا قاسىم-جومارت توقاەۆ ءوزى قارسى الدى.
