ماسەلەن, قوستاناي قالاسىنداعى №32 كەلەشەك مەكتەبىندە «اسىق اتۋ ويىنىنداعى پارابولالىق قوزعالىستى ماتەماتيكالىق مودەلدەۋ» اتتى ستارتاپ جوبا قولعا الىندى. اتالعان زەرتتەۋ جۇمىسى ۇلتتىق ويىن مەن زاماناۋي عىلىمدى ۇشتاستىرادى. جوبا اسىقتىڭ ۇشۋ تراەكتورياسىن ماتەماتيكالىق تۇرعىدان تالداۋ ارقىلى ونىڭ قوزعالىس زاڭدىلىقتارىن ءتۇسىندىرۋ جانە ناقتى ەسەپتەۋلەر نەگىزىندە ءتيىمدى اتۋ ادىستەرىن انىقتايدى. باستاما كەلەشەك مەكتەپتەرىندە پانارالىق ءبىلىم بەرۋدەگى جاڭاشىل باعىتتى ايقىن كورسەتەدى.
ورالدىق وقۋشىلار قانت ديابەتىنىڭ مولشەرىن تەكسەرەتىن قۇرىلعى ويلاپ تاپتى
ستارتاپ جوبانى اتالعان مەكتەپتىڭ 8-سىنىپ وقۋشىسى ساياجان ەرماعانبەتوۆا ويلاپ تاپقان. دارىندى وقۋشىعا ماتەماتيكا ءپانىنىڭ مۇعالىمى قۋانىشباي قارساقباي مەن اسىق ۇيىرمەسىنىڭ جەتەكشىسى, دەنە شىنىقتىرۋ ءپانى مۇعالىمى اسىلحان شاريپوۆ جەتەكشىلىك ەتكەن.
زەرتتەۋ بارىسىندا اسىقتىڭ قوزعالىسى پارابولالىق تراەكتوريا رەتىندە قاراستىرىلىپ, باستاپقى جىلدامدىق, لاقتىرۋ بۇرىشى جانە اۋىرلىق كۇشى سياقتى فيزيكالىق شامالاردىڭ اسەرى تاجىريبە ارقىلى زەرتتەلدى. وقۋشىلار باقىلاۋ جۇمىستارىن جۇرگىزىپ, الىنعان ناتيجەلەردى ماتەماتيكالىق فورمۋلالار مەن گرافيكتەر ارقىلى تالدادى. ناتيجەسىندە اسىقتى ءدال اتۋعا ەڭ ءتيىمدى بۇرىش پەن قاشىقتىق انىقتالىپ, ماتەماتيكالىق مودەل جاسالدى.
«تازا قازاقستان»: كەلەشەك مەكتەپتەرىنىڭ وقۋشىلارى ەكواكتسياعا قاتىستى
وسىنداي ىزدەنىستەر ارقىلى مەكتەپ ۇجىمى بابالار مۇراسىن عىلىممەن ساباقتاستىرا بىلەتىن, ەرتەڭگى كۇنى مەملەكەتىمىزدىڭ تىرەگىنە اينالىپ, ەلگە ادال قىزمەت ەتەتىن ءبىلىمدى ۇرپاق دايارلاۋدى ماقسات تۇتادى.
