سالانى تسيفرلاندىرۋ جانە اگروتەحنولوگيالىق ءىس-شارالاردى قامتاماسىز ەتۋ تۋرالى بۇگىن ۇكىمەت وتىرىسىندا اۋىل شارۋاشىلىعى ۆيتسە-ءمينيسترى ازات سۇلتانوۆ باياندادى.
ونىڭ ايتۋىنشا, اۋىل شارۋاشىلىعى مينيسترىلىگى جاساندى ينتەللەكت جانە تسيفرلىق دامۋ مينيسترلىگىمەن بىرلەسىپ ەگىن ەگۋ بارىسى تۋرالى دەرەكتەردى جيناۋعا ارنالعان پلاتفورما ازىرلەپ شىعارعان. پلاتفورما قازىر پيلوتتىق رەجيمدە جۇمىس ىستەپ تۇر. بولاشاقتا ءوندىرىستى تالداۋ جانە بولجاۋ ءۇشىن جۇيەگە جاساندى ينتەللەكت ەلەمەنتتەرى ەنگىزىلەدى. سونىمەن قاتار تۇقىم ساپاسىن قامتاماسىز ەتۋ بويىنشا جۇمىستار جۇرگىزىلىپ جاتىر. تىڭايتقىشتاردىڭ ىشكى نارىقتاعى باعاسى دا بەلگىلى ءبىر مەجەدە بەكىتىلدى.
ديقاندار بيىل ديزەلدى قانشا تەڭگەگە ساتىپ الادى؟
«مەملەكەت باسشىسىنىڭ تاپسىرماسىنا سايكەس ءساۋىر ايىنان باستاپ ەلەۆاتورلاردى سالۋ مەن جاڭعىرتۋدى جەڭىلدىكپەن قارجىلاندىرۋعا وتىنىمدەر قابىلداۋ باستالدى. ءبىز وسى تاپسىرمانى جۇزەگە اسىرۋ بويىنشا جول كارتاسىن ازىرلەدىك. وندا نەگىزگى قارجىلاندىرۋ كريتەريلەرى مەن استىق ساقتاۋ نىساندارىن سالۋ جانە جاڭعىرتۋ جونىندەگى ينديكاتورلار كوزدەلگەن. قارجىلاندىرۋدى تولىق قامتاماسىز ەتە وتىرىپ, ەلەۆاتورلاردىڭ قۋاتىن 1 ملن تونناعا دەيىن كەڭەيتۋ جوسپارلانىپ وتىر», دەدى ازات سۇلتانوۆ.
