فوتو: اشىق دەرەككوز
مامانداردىڭ ايتۋىنشا, بۇل شتامم ادامدار اراسىندا تەك ۇزاق ءارى تىعىز بايلانىس كەزىندە عانا بەرىلۋى مۇمكىن. كوبىنە مۇنداي جاعداي وتباسى ىشىندە نەمەسە ناۋقاسقا كۇتىم جاساۋ بارىسىندا كەزدەسەدى.
24KZ مالىمەتىنشە, ينفەكتسيانىڭ نەگىزگى بەلگىلەرى – دەنە قىزۋىنىڭ 39-40 گرادۋسقا دەيىن كوتەرىلۋى, قاتتى باس اۋرۋى, دەنەنىڭ سىرقىراۋى, بەت, مويىن جانە كەۋدە تۇسىنىڭ قىزارۋى. سونىمەن قاتار ءىشتىڭ اۋىرۋى, بورتپە شىعۋى جانە بۇيرەك تۇسىنىڭ سىرقىراۋى بايقالۋى ىقتيمال.
الدىن الۋ ءۇشىن ماماندار كەمىرگىشتەرمەن بايلانىستان ساقتانۋعا, ولار ءجۇرۋى مۇمكىن ورىندارعا بارماۋعا جانە جەكە گيگيەنا تالاپتارىن قاتاڭ ۇستانۋعا كەڭەس بەرەدى.
جاڭا پاندەميا قاۋپى بار ما؟ ەۋروپادا حانتاۆيرۋس جۇقتىرۋ دەرەكتەرى كوبەيدى
قوعامدىق دەنساۋلىق ساقتاۋ ورتالىعى باسقارما توراعاسىنىڭ كەڭەسشىسى البەرت اسقاروۆ حانتاۆيرۋس الەمنىڭ كەمىرگىشتەر كەزدەسەتىن بارلىق وڭىرىندە تارالعانىن ايتتى.
«جىل سايىن دۇنيەجۇزىندە شامامەن 100 مىڭعا دەيىن جاعداي تىركەلەدى. الايدا كرۋيزدىك كەمەدە انىقتالعان «اندەس» ۆيرۋسى – ەڭ قاۋىپتى شتاممداردىڭ ءبىرى. ول قازاقستان اۋماعىندا جوق. نەگىزىنەن وڭتۇستىك امەريكا ەلدەرىندە تارالعان. سوندىقتان قازىرگى تاڭدا ەلىمىزگە قاۋىپ توندىرمەيدى. ەگەر ۆيرۋس سىرتتان اكەلىنۋ قاۋپى تۋىنداسا, ءبىزدىڭ مەديتسينا مەكەمەلەرى مۇنداي جاعدايعا دايىن», دەدى ا. اسقاروۆ.
سونداي-اق ۇلتتىق قوعامدىق دەنساۋلىق ساقتاۋ ورتالىعى ساياحاتشىلارعا ارنالعان ارنايى سايت بارىن ايتتى. ول جەردە الەم ەلدەرىندەگى ەپيدەميولوگيالىق احۋالدى ناقتى ۋاقىت رەجيمىندە باقىلاۋعا, قاۋىپتى اۋرۋلاردىڭ تارالۋ دەڭگەيىن كورۋگە جانە ساپار الدىندا قانداي ەكپە الۋ قاجەت ەكەنىن بىلۋگە بولادى. بۇدان بولەك, ەپيدەميولوگيالىق جاعدايى قاۋىپسىز سانالاتىن ۇزدىك 10 ەلدىڭ ءتىزىمى دە جاريالانعان.
