فوتو: اشىق دەرەككوز
پوليتسيانىڭ مالىمەتىنشە, جاس جىگىتتىڭ ولىمىنە قاتىستى كەشەندى تەرگەۋ شارالارى تاعايىندالعان.
ء«تيىستى ساراپتامالاردىڭ قورىتىندىسى بويىنشا پروتسەسسۋالدىق شەشىم قابىلداناتىن بولادى», دەلىنگەن پد تاراتقان رەسمي حابارلامادا.
مارقۇمنىڭ تۋىستارىنىڭ ايتۋىنشا, قايعىلى جاعداي ەلوردالىق Tem Dent ەمحاناسىندا بولعان. مۇرات ەسبولعان ەسىمدى ازامات ءتىسىن ەمدەتۋگە كەلگەن كەزدە, دارىگەرلەر اللەرگيالىق سىناما (اللەرگوپروبا) جاساماي-اق پرەپارات سالعان. سودان كەيىن جىگىتتىڭ دەنەسى تىرىسىپ, جاعدايى كۇرت ناشارلاعان.
ەستەرىڭىزگە سالا كەتەيىك, وتكەن جىلدىڭ كۇزىندە استاناداعى جەكە ستوماتولوگيادا 18 ءتىسى بىردەن ەمدەلگەن ءۇش جاسار قىز ناركوزدان كەيىن ويانباي كوز جۇمعان ەدى.
