فوتو: اشىق دەرەككوز
الماتىدا كۇننىڭ سوڭىندا نوسەر جاڭبىر جاۋىپ, كۇندىز نايزاعاي وينايدى. جەلدىڭ ەكپىنى 15-18 م/س-قا دەيىن جەتەدى. تاۋلى ايماقتارىندا (مەدەۋ جانە بوستاندىق اۋداندارى) جاڭبىر مەن بۇرشاق جاۋىپ داۋىل سوعىپ, جەلدىڭ جىلدامدىعى 25 م/س-قا دەيىن كۇشەيۋى مۇمكىن.
شىمكەنتتە كەي ۋاقىتتاردا جاڭبىر جاۋىپ, نايزاعاي وينايدى جانە داۋىل تۇرادى. جەلدىڭ ەكپىنى 15-20 م/س-قا دەيىن جەتەدى.
الماتى وبلىسىندا كۇندىز باتىستا, وڭتۇستىكتە جانە تاۋلى ايماقتاردا نوسەر جاڭبىر, بۇرشاق, داۋىل كۇتىلەدى. جەلدىڭ ەكپىنى 25 م/س-قا دەيىن كۇشەيەدى. قوناەۆ قالاسىندا كۇندىز نايزاعاي ويناپ, جەلدىڭ ەكپىنى 15-20 م/س بولادى.
تۇركىستان وبلىسىندا جاڭبىر, نايزاعاي, داۋىل, كەي جەرلەردە كۇشتى جاڭبىر مەن بۇرشاق كۇتىلەدى.
جامبىل وبلىسىندا جاڭبىر, نايزاعاي, بۇرشاق جانە داۋىل بولجانعان. تارازدا كەي ۋاقىتتاردا بۇرشاق جاۋى ىقتيمال.
قىزىلوردا وبلىسىندا نايزاعاي, داۋىل جانە شاڭدى داۋىل كۇتىلەدى. قىزىلوردا قالاسىندا كۇندىز شاڭدى داۋىل تۇرادى.
ماڭعىستاۋ وبلىسىندا (سونىڭ ىشىندە اقتاۋدا) تۇندە جانە تاڭەرتەڭ تۇمان تۇسەدى.
باتىس قازاقستان جانە اتىراۋ وبلىستارىندا جاڭبىر مەن نايزاعاي كۇتىلەدى, كەي جەرلەردە تۇمان ءتۇسۋى مۇمكىن.
اقتوبە جانە قوستاناي وبلىستارىندا كۇندىز ازداعان جاڭبىر جاۋىپ, نايزاعاي وينايدى.
اقمولا, سولتۇستىك قازاقستان جانە پاۆلودار وبلىستارىندا تۇندە -1...-2 گرادۋسقا دەيىن ۇسىك جۇرەدى. سولتۇستىك ايماقتاردا جەلدىڭ ەكپىنى 15-20 م/س-قا دەيىن كۇشەيەدى.
قاراعاندى جانە ۇلىتاۋ وبلىستارىندا جاڭبىر مەن نايزاعاي كۇتىلەدى. سونىمەن قاتار بۇل وڭىرلەردە جوعارى ءورت قاۋپى ساقتالادى.
اباي, جەتىسۋ, شىعىس قازاقستان وبلىستارىندا جاۋىن-شاشىنسىز اۋا رايى كۇتىلەدى, بىراق جەل كۇشەيىپ, جوعارى جانە توتەنشە ءورت قاۋپى ساقتالادى.
