ءۇش كۇندىك باعدارلاما بارىسىندا قاتىسۋشىلار استانا قالاسىنداعى 11 جەتەكشى مەديتسينالىق ۇيىمدى ارالادى. ولاردىڭ قاتارىندا جوعارىتەحنولوگيالى ۇلتتىق ورتالىقتارمەن بىرگە زاماناۋيجەكە كلينيكالار دا بار. اتاپ ايتقاندا, UMC جۇرەك ورتالىعى, ۇلتتىق بالالاردى وڭالتۋ ورتالىعى, ۇلتتىق نەيروحيرۋرگيا ورتالىعى, ۇلتتىق عىلىمي ونكولوگيا ورتالىعى, قر پرەزيدەنتى ءىس باسقارماسى مەديتسينالىق ورتالىعىنىڭ اۋرۋحاناسى, سونداي-اق «Green Clinic», «PRIME Green Clinic» جانە «AlandaClinic» كوپسالالى مەديتسينالىق ورتالىقتارى تانىستىرىلدى.
«باعدارلامانىڭ نەگىزگى ماقساتى – ەلوردانىڭ مەديتسينالىق تۋريزمدەگى الەۋەتىن تانىستىرۋ. قوناقتارعا كلينيكالاردىڭ ماتەريالدىق-تەحنيكالىق بازاسى, قىزمەت كورسەتۋ دەڭگەيى, دارىگەرلەردىڭ كاسىبي بىلىكتىلىگى جانە شەتەلدىك پاتسيەنتتەرمەن جۇمىس ىستەۋ تاجىريبەسى كورسەتىلدى», دەدى «Astana Tourism» ءتۋريزمدى دامىتۋ ورتالىعىنىڭ مەديتسينالىق تۋريزم دەپارتامەنتىنىڭ ديرەكتورى بازاربەك قامىسباەۆ.
سونىمەن قاتار, «Tulip Medicine» پلاستيكالىق حيرۋرگيا كلينيكاسى, «Astana Vision» كوز كلينيكالار جەلىسى جانە «Ecomed» رەپرودۋكتيۆتىك مەديتسينا ورتالىعى سەكىلدى بەيىندى مەديتسينالىق قىزمەت كورسەتەتىن مەكەمەلەر دە نازاردان تىس قالمادى. قاتىسۋشىلار دياگنوستيكادان باستاپ كۇردەلى وپەراتسيالارعا دەيىنگى مەديتسينالىق قىزمەتتىڭ تولىق سپەكترىن كورۋگە مۇمكىندىك الدى.
بۇعان قوسا, ءىس-شارا اياسىندا B2B فورماتىنداعى كەزدەسۋلەر ۇيىمداستىرىلىپ, مەديتسينالىق ۇيىمدار مەن شەتەلدىك سەرىكتەستەر اراسىندا كەلىسسوزدەر جۇرگىزىلگەن. ب.قامىسباەۆتىڭ ايتۋىنشا,كەلىسسوزدەردەن سوڭ بىرقاتار اگەنتتىكپەن كەلىسىمدەرگە قول قويىلعان. بۇل قۇجاتتار شەتەلدىك پاتسيەنتتەردى تارتۋ جۇمىستارىن جۇيەلەپ, ولاردى ەمدەۋدىڭ بارلىق كەزەڭىندە سۇيەمەلدەۋگە مۇمكىندىك بەرمەك.
سالاداعى ستاتيستيكاعا سۇيەنسەك, 2024 جىلى استاناعا شامامەن 4,5 مىڭ مەديتسينالىق تۋريست كەلگەن بولسا, 2025 جىلى كەلۋشىلەر سانى 6100 پاتسيەنتتەن اسقان. شەتەلدىك پاتسيەنتتەر اراسىندا اسىرەسە كارديوحيرۋرگيا مەن نەيروحيرۋرگيا قىزمەتتەرىنە سۇرانىس جوعارى. سونىمەن قاتار, ستوماتولوگيا, ورتوپەديا, رەپرودۋكتيۆتىك مەديتسينا مەن قىسقا ۋاقىت ىشىندە تولىق تەكسەرۋدەن وتۋگە مۇمكىندىك بەرەتىن check-up باعدارلامالارى دا سۇرانىسقا يە.
ۇيىمداستىرۋشىلاردىڭ ايتۋىنشا, اقپاراتتىق تۋر تەك مەديتسينامەن شەكتەلمەي, قالانىڭ تۋريستىك مۇمكىندىكتەرىن دە قامتىعان. قوناقتار ءۇشىن ارنايى ەكسكۋرسيالار ۇيىمداستىرىلىپ, ولار استانانىڭ زاماناۋي كەلبەتىمەن, مادەنيەتىمەن جانە جايلى ينفراقۇرىلىمىمەن تانىستى. بۇل مەديتسينالىق ءتۋريزمنىڭ بۇگىنگى كۇنى كەشەندى تۋريستىك ءونىمفورماتىنا اينالىپ كەلە جاتقانىن كورسەتەدى.
مەديتسينالىق ءتۋريزمنىڭ دامۋى قالاەكونوميكاسىنا دا وڭ اسەرىن تيگىزىپ جاتىر. ماسەلەن, قازىر كلينيكالارعا جۇكتەمە ارتىپ, قىزمەت كورسەتۋسالاسى جاندانىپ, قوناقۇي بيزنەسى مەن كولىك, ەكسكۋرسيا قىزمەتتەرىنە سۇرانىس كوبەيىپ وتىر. بۇل ءبىر جاعىنان جوعارى ساپا مەن قولجەتىمدى باعانىڭۇيلەسىمىن كورسەتەدى.
«استاناداعى كلينيكالاردىڭ ماتەريالدىق-تەحنيكالىق بازاسى مەن دارىگەرلەردىڭ كاسىبي دەڭگەيى جوعارى ەكەنىنە كوز جەتكىزدىك. اسىرەسە, جوعارى تەحنولوگيالى وپەراتسيالار مەن پاتسيەنتكە كورسەتىلەتىن قىزمەت ساپاسى كوڭىلدەن شىقتى. پەت/كت, گامما-پىشاق, پروتوندىق تەراپيا سەكىلدى وزىق تەحنولوگيالار قولجەتىمدى, بۇل ۇلكەن ارتىقشىلىق. مۇندا شەتەلدىك پاتسيەنتتەر ءۇشىن بارلىق جاعداي جاسالعان. بولاشاقتا ارىپتەستىك ورناتىپ, ناۋقاستاردى وسى جەرگە باعىتتاماق جوسپارىمىز بار», دەدى تاجىكستاننان كەلگەن حيرۋرگ, فلەبولوگمامان باحودۋر كوبيلبەكوۆ.
جالپى, وتكىزىلگەن اقپاراتتىق تۋر ەلىمىزدىڭمەديتسينالىق تۋريزم نارىعىنداعى ورنىن نىعايتۋعا باعىتتالعان. مۇنداي باستامالار حالىقارالىق ارىپتەستىكتى كەڭەيتىپ, ەلدىڭ بەدەلىن ارتتىرۋعا ىقپال ەتەدى.
