فوتو: Depositphotos.com
دەنساۋلىق ساقتاۋ مينيسترلىگىنىڭ مالىمەتىنشە, بۇل باستاما جاس دارىگەرلەردىڭ ناۋقاستارمەن ەرتەرەك جۇمىس ىستەۋىنە مۇمكىندىك بەرىپ, ولاردىڭ كلينيكالىق تاجىريبەسىن كۇشەيتۋگە باعىتتالعان. قازىرگى ۋاقىتتا ءتيىستى زاڭ جوباسى ماجىلىستە تالقىلانىپ جاتىر.
جاڭا تارتىپكە سايكەس, 2022 جىلدان كەيىن وقۋعا تۇسكەن ستۋدەنتتەر ينتەرناتۋرانى اياقتاعان سوڭ التى نەگىزگى باعىت بويىنشا جۇمىس ىستەي الادى. ولار – جالپى دارىگەرلىك پراكتيكا, تەراپيا, پەدياتريا, حيرۋرگيا, اكۋشەرلىك جانە گينەكولوگيا, سونداي-اق بالالار حيرۋرگياسى.
ال 2022 جىلعا دەيىن وقۋعا تۇسكەن ستۋدەنتتەر ءۇشىن بۇرىنعى تالاپتار ساقتالادى – ولار قولدانىستاعى باعدارلامالار بويىنشا وقۋدى اياقتايدى.
وقۋشىلار مەديتسينالىق كومەكسىز قالعان: جەتىسۋ وبلىسىندا مەكتەپتەر تەكسەرىلدى
مينيسترلىك وكىلدەرى بۇل رەفورمانىڭ قاجەتتىلىگىن قولدانىستاعى دايىندىق جۇيەسىنىڭ شەكتەۋلەرىمەن ءتۇسىندىردى. قازىرگى مودەلدە وقۋ ۇزاقتىعى 6 جىلدى قۇراعانىمەن, تاجىريبەلىك دايىندىق دەڭگەيى جەتكىلىكسىز دەگەن ماسەلە بار. سونىمەن قاتار, تۇلەكتەر رەزيدەنتۋرادان وتپەيىنشە دارىگەر رەتىندە جۇمىسقا كىرىسە المايدى, ال رەزيدەنتۋرا گرانت سانى شەكتەۋلى بولعاندىقتان, بۇل جاعداي تۇلەكتەردىڭ ءبىر بولىگىنىڭ ەڭبەك نارىعىنا بىردەن شىعۋىنا كەدەرگى كەلتىرەدى.
وسىعان بايلانىستى جاڭا مودەلدە ينتەرناتۋرانىڭ ءرولى كۇشەيتىلەدى. ول ەندى فورمالدى كەزەڭ ەمەس, ناعىز كلينيكالىق پراكتيكاعا اينالادى: ينتەرندەر دارىگەردىڭ جەتەكشىلىگىمەن ناۋقاستاردى ەمدەۋگە قاتىسىپ, مەديتسينالىق اقپاراتتىق جۇيەلەرگە قول جەتكىزەدى جانە ەڭبەكاقى الادى.
رەزيدەنتۋرا ساقتالعانىمەن, ونىڭ قىزمەتى وزگەرەدى – ول تار باعىتتاعى ماماندانۋ كەزەڭىنە اينالادى.
بۇل وزگەرىستەر دارىگەردىڭ كاسىبي دامۋىن جۇيەلەندىرىپ, جاس مامانداردىڭ دەنساۋلىق ساقتاۋ سالاسىنا ەرتەرەك كەلۋىنە جول اشادى. سونداي-اق العاشقى مەديتسينالىق-سانيتارلىق كومەك پەن وڭىرلەردەگى كادر تاپشىلىعىن ازايتۋعا ىقپال ەتەدى.
الماتىداعى مەديتسينالىق مەكەمە ناۋقاستاردىڭ دەنساۋلىعىنا قاۋىپ توندىرەتىن قۇرىلعىلاردى پايدالانعان
