فوتو: Depositphotos.com
تەرگەۋ بارىسىندا 2016 جىلدىڭ قىركۇيەگىندە قازاقستاندىق كاسىپكەر جالعان قۇجاتتاردى پايدالانا وتىرىپ, ينۆەستورعا تيەسىلى «ۋك رينكوم» جشس-ءنىڭ 80% ۇلەسىن 63 ملن تەڭگەگە زاڭسىز ساتقاندىعى انىقتالدى. اتالعان كاسىپورىن ۇلىتاۋ وبلىسىندا تەمىر كەن ورنىن يگەرۋ قىزمەتىمەن اينالىسقان.
باس پروكۋراتۋرا ازاماتتاردى جالعان اقپارات تاراتۋدان باس تارتۋعا شاقىردى
سوت ۇكىمىمەن ازامات م. اسا ءىرى مولشەردەگى الاياقتىق جاساعانى ءۇشىن (قك 190-باپ 4-بولىك 2-تارماق) كىنالى دەپ تانىلىپ, 6 جىل 8 ايعا باس بوستاندىعىنان ايىرىلدى. سونىمەن قاتار قىلمىستىق جولمەن الىنعان مۇلكى تاركىلەندى.
ماڭىزدى شەشىمدەردىڭ ءبىرى – شەتەلدىك ينۆەستوردىڭ 3,5 ملرد تەڭگە كولەمىندەگى ازاماتتىق تالابى تولىق كولەمدە قاناعاتتاندىرىلۋى بولدى.
باس پروكۋراتۋرانىڭ مالىمەتىنشە, تەرگەۋ بارىسىندا ءىس جان-جاقتى, وبەكتيۆتى ءارى ساپالى جۇرگىزىلدى. ناتيجەسىندە شەتەلدىك ينۆەستوردىڭ بۇزىلعان قۇقىقتارى تولىق قالپىنا كەلتىرىلىپ, مەملەكەتتە ينۆەستيتسيالىق قورعاۋ تەتىكتەرىنىڭ تيىمدىلىگى دالەلدەندى.
SMS-بلاستەر مەن ديپفەيك: باس پروكۋراتۋرا 18 جاڭا كيبەرقاۋىپتى انىقتادى
