مەملەكەتتىك قىزمەت ىستەرى اگەنتتىگى توراعاسىنىڭ ورىنباسارى سالاۋات مۇقسيموۆتىڭ ايتۋىنشا, ەندى جىل سايىن بارلىق مەملەكەتتىك قىزمەتشىلەر ناركولوگيالىق تەكسەرۋدەن وتۋگە مىندەتتەلەدى. سونداي-اق مەملەكەتتىك قۇپيالارعا قولجەتىمدىلىگى بار قىزمەتكەرلەر دە وسى تەكسەرۋدەن وتەدى.
ونىڭ ايتۋىنشا, ناركوسكرينينگ الدىن الا جوسپارلانبايدى جانە توسىن سيپاتتا جۇرگىزىلەدى.
«بۇل جەردە گرافيك بەكىتىلىپ, الدىن الا حابارلاۋ بولمايدى. تەكسەرۋ شەشىم قابىلدانعاننان كەيىن 48 ساعات ىشىندە توسىن جۇرگىزىلەدى», دەدى سالاۋات مۇقسيموۆ.
ول سونداي-اق مەملەكەتتىك قىزمەتشى تەكسەرۋدەن باس تارتا المايتىنىن اتاپ ءوتتى. ونىڭ ايتۋىنشا, باس تارتۋ كۇدىكتىڭ نەگىزدىلىگىن مويىنداۋ رەتىندە قاراستىرىلىپ, قىزمەتتى جالعاستىرۋعا مۇمكىندىك بەرمەيدى.
«زاڭ العاش رەت ەسىرتكى زاتتارىن قولدانۋدى مەملەكەتتىك قىزمەتكە كىر كەلتىرەتىن ارەكەت رەتىندە قاراستىرادى. بۇل قىزمەتتەن بوساتۋعا نەگىز بولادى», دەدى اگەنتتىك وكىلى.
استانادا جالدامالى پاتەرلەردە ەسىرتكى ساقتاعان كۇدىكتى ۇستالدى
سونىمەن قاتار, ناركوسكرينينگتەن ءوتۋ مەملەكەتتىك قىزمەتشىلەردىڭ ءوز قاراجاتى ەسەبىنەن جۇزەگە اسادى. دەگەنمەن زاڭدا تەكسەرۋ كۇنى مەن ودان كەيىنگى جارتى كۇنگە دەمالىس بەرۋ قاراستىرىلعان.
نۇربولات امانبەك
