نىساندا چەحيالىق ءوندىرىستىڭ زاماناۋي پەشتەرى ورناتىلعان. كرەماتوري ديرەكتورىنىڭ ورىنباسارى رۋفات حاسانوۆتىڭ ايتۋىنشا, ولاردىڭ ماكسيمالدى تەمپەراتۋراسى 1100 گرادۋسقا دەيىن جەتەدى. ونىڭ سوزىنشە, قوندىرعىلار ەكى كامەرادان تۇرادى: بىرىنشىسىندە جانۋ پروتسەسى جۇرەدى, ال ەكىنشىسىندە ورگانيكالىق زاتتار تولىق ىدىراپ, قاۋىپسىز بيوورگانيكالىق قالدىقتارعا اينالادى.
ء«بىرىنشى كامەرادا جانۋ كەزىندە ۇشپا, كەيدە توكسيكالىق زاتتار تۇزىلەدى. بىراق ەكىنشى كامەرادا ولاردىڭ تولىق جويىلۋى جۇرەدى. ناتيجەسىندە قورشاعان ورتاعا قاۋىپ توندىرمەيتىن بيوورگانيكالىق قالدىقتار قالادى», دەدى رۋفات حاسانوۆ.
سونداي-اق ول كرەماتوري پەشتەرى تاڭەرتەڭنەن باستاپ جۇمىس ىستەيتىنىن, الايدا ءتۇتىن بايقالمايتىنىن اتاپ ءوتتى. نىساندا زاماناۋي سۇزگى جۇيەسى قاراستىرىلعان, سوندىقتان ەكولوگيالىق قاۋىپ بولمايدى دەپ سەندىردى.
كرەماتوري ديرەكتورى ارداق الىشەۆ قىزمەتتى الۋ ءتارتىبى تۋرالى دا تۇسىنىك بەردى.
ء«بىرىنشى كەزەكتە دارىگەرلىك قايتىس بولۋ تۋرالى كۋالىك قاجەت. سونداي-اق نوتاريالدى راستالعان جازباشا ەرىك ءبىلدىرۋ جانە جەكە باسىن كۋالاندىراتىن قۇجاتتار بولۋى ءتيىس», دەدى ول.
اتالعان كرەماتوري قۇرىلىسى تۋرالى ماسەلە بۇعان دەيىن دە بىرنەشە رەت كوتەرىلىپ, قوعامدا قىزۋ تالعىعا سالىنعان.. 2022 جىلى الماتى اكىمدىگى جوبانىڭ ىسكە قوسىلۋى كەيىنگە شەگەرىلگەنىن حابارلاعان بولاتىن. 2026 جىلدىڭ باسىندا نىساننىڭ جاقىن كۇندەرى اشىلاتىنى ايتىلسا, كەيىن بۇل مەرزىم قايتا وزگەرگەن ەدى.
نۇربولات امانبەك
