دانيار بەيىسقالي ەسىمدى بلوگەردىڭ ايتۋىنشا, ول قازاقستاننىڭ مەملەكەتتىك ەلتاڭباسىن قوقىس جاشىگىنەن تاۋىپ الىپ, ونى رەتكە كەلتىرىپ, ۇيىنە ءىلىپ قويعان. ول بۇل ارەكەتىن Instagram پاراقشاسىندا «رامىزگە قۇرمەت كورسەتۋ, ونى ساقتاپ قالۋ ماقساتىندا جاسالعان» دەپ تۇسىندىرگەن.
«مەن مۇنى سيمۆولعا قۇرمەت رەتىندە جاسادىم, ونى ساقتاپ قالعىم كەلدى», دەگەن ول ءوز جازباسىندا.
قازاقستاندا مەملەكەتتىك رامىزدەردى قولدانۋ ءتارتىبى ەگجەي-تەگجەيلى رەتتەلەدى
الايدا ارادا ءتورت جىل وتكەن سوڭ بۇل جازبا اقسۋ اۋدانى اكىمدىگىنىڭ نازارىنا ىلىككەن. اكىمدىك وكىلدەرى پوليتسياعا جۇگىنىپ, ونى «مەملەكەتتىك ءرامىزدى ماقساتسىز پايدالانۋ» رەتىندە قاراستىرۋدى سۇراعان. پوليتسيا بلوگەردىڭ جەكە تۇلعاسىن انىقتاپ, وعان ايىپپۇل سالعان.
قۇقىق قورعاۋ ورگاندارى مەملەكەتتىك رامىزدەر زاڭمەن ەرەكشە قورعالاتىنىن ەسكە سالىپ, ولاردى تەك بەلگىلەنگەن تارتىپتە عانا پايدالانۋعا بولاتىنىن اتاپ ءوتتى. ازاماتتارعا مەملەكەتتىك سيمۆولداردى زاڭسىز قولدانباۋ تۋرالى ەسكەرتىلدى.
