حالىقارالىق سامميتكە قىرعىزستان, وزبەكستان, تاجىكستان, تۇركىمەنستان, ارمەنيا, گرۋزيا, ءازىربايجان مەملەكەتتەرىنىڭ باسشىلارى, سونداي-اق بىرىككەن ۇلتتار ۇيىمى مەن وزگە دە حالىقارالىق ۇيىمداردىڭ وكىلدەرى قاتىستى. جيىندا قازاقستان پرەزيدەنتى قاسىم-جومارت توقاەۆ «تۇراقتى بولاشاق, ورتاق – كوزقاراس» تاقىرىبىندا بايانداما جاساپ, ەكولوگيالىق سىن-قاتەرلەردىڭ الدىن الۋدا بىرلەسكەن ارەكەتتىڭ ماڭىزىن اتاپ ءوتتى.
قاسىم-جومارت توقاەۆ: ءبىز ءۇشىن ەكولوگيالىق قاۋىپسىزدىك ۇزاقمەرزىمدى دامۋ ستراتەگياسىنىڭ ارقاۋى
سامميت اياسىندا فورۋمدار, حالىقارالىق كەزدەسۋلەر, ساراپشىلار پىكىرتالاستارى جانە «جاسىل» ستارتاپتار بايقاۋى ءوتتى. جالپى, شاراعا الەمنىڭ 30 ەلىنەن 240-تان استام قاتىسۋشى جينالىپ, 120-دان اسا پاۆيلوندا وزىق جوبالار تانىستىرىلدى.
RES 2026 EXPO حالىقارالىق كورمەسىندە وتاندىق جوعارى وقۋ ورىندارى دا وزدەرىنىڭ عىلىمي جەتىستىكتەرىن پاش ەتتى. مەملەكەت باسشىسى وزگە ەل جەتەكشىلەرىمەن بىرگە پاۆيلونداردى ارالاپ, ۇسىنىلعان جوبالارمەن تانىستى. سونىمەن قاتار عىلىم جانە جوعارى ءبىلىم ءمينيسترى ساياسات نۇربەك وتاندىق ۋنيۆەرسيتەتتەردىڭ يننوۆاتسيالىق ازىرلەمەلەرىنە جەكە توقتالىپ, ولاردىڭ الەۋەتىن جوعارى باعالادى.
كورمەدە م. اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ عالىمدارى ەكولوگيالىق ماسەلەلەردى شەشۋگە باعىتتالعان 5 بىردەي ناقتى جوباسىن ۇسىندى. اتاپ ايتقاندا:
– قالالىق ورتانى اباتتاندىرۋ جانە اۋانى تازارتۋ تەحنولوگيالارى;
– تەحنوگەندىك قالدىقتار نەگىزىندە كاپسۋلالانعان فوسفورقۇرامدى تىڭايتقىشتار ءوندىرۋ;
– حريزوتيل-اسبەست ءوندىرىسى قالدىقتارىن كەشەندى وڭدەۋ;
– جەر استى سۋلارىن تازارتۋ جانە اۋىز سۋمەن قامتاماسىز ەتۋ;
– توپىراق ىلعالدىلىعىن رەتتەۋ ارقىلى ونىڭ قۇنارلىلىعىن ارتتىرۋ شەشىمدەرى.
مينيستر ساياسات نۇربەك ۇسىنىلعان جوبالارمەن ەگجەي-تەگجەيلى تانىسىپ, ولاردىڭ وندىرىستە قولدانۋ مۇمكىندىگى مەن ەكولوگيانى جاقسارتۋداعى ماڭىزىن ەرەكشە اتاپ ءوتتى. سونداي-اق عالىمدارمەن اشىق پىكىر الماسىپ, عىلىمي باستامالاردى ناقتى سەكتورعا ەنگىزۋ ماسەلەلەرىن تالقىلادى.
استانادا حالىقارالىق سۋ ۇيىمىن قۇرۋ بويىنشا كونسۋلتاتسيالاردىڭ ءبىرىنشى كەزەڭى وتەدى
جالپى, EXPO الاڭى جاسىل تەحنولوگيالار مەن عىلىمي جاڭالىقتاردىڭ توعىسقان ورتاسىنا اينالدى. بۇل باستاما قورشاعان ورتانى قورعاۋ مەن تۇراقتى دامۋدى قامتاماسىز ەتۋدە عىلىم مەن ءوندىرىستىڭ ءوزارا ىقپالداستىعىن ايقىن كورسەتتى.
