فوتو: اشىق دەرەككوز
وسىلايشا كۇنشىعىس حالقى 50 جىلدا العاش رەت شەت مەملەكەتتەرگە قارۋ ساتۋ ەرەجەلەرىن وزگەرتتى. بۇعان دەيىن جاپونيا تەك گۋمانيتارلىق نەمەسە باقىلاۋ ماقساتىنداعى جابدىقتاردى عانا شەتەلگە شىعارا الاتىن.
جاپونيا پرەمەر-ءمينيسترى ساناە تاكايتي بۇل وزگەرىستەر ەلدىڭ زاڭناماسىنا ەنگىزىلگەن تۇزەتۋلەر ارقىلى مۇمكىن بولعانىن مالىمدەدى. جاپونيا ۇكىمەتى ەكسپورتتىق ساياساتتىڭ وزگەرۋى ەل ەكونوميكاسىن جانداندىرىپ, قىتاي, رەسەي جانە سولتۇستىك كورەيا تاراپىنان كۇشەيىپ وتىرعان قاۋىپ-قاتەرلەرگە جاۋاپ رەتىندە قاراستىرىلىپ وتىرعانىن اتاپ ءوتتى. ەل بيلىگى بۇل قادام الەمدىك ساياسي احۋالعا بايلانىستى ايماقتىق قاۋىپسىزدىكتى نىعايتۋعا باعىتتالعانىن قاجەتتىلىكتەن تۋىنداعانىن جەتكىزدى.
الايدا بۇل شەشىم ەل ىشىندە سىنعا ۇشىرادى. قوعامنىڭ ءبىر بولىگى جاپونيانىڭ سوعىستان كەيىن قالىپتاسقان پاتسيفيستىك ۇستانىمدارىنان الشاقتاپ بارا جاتقانىن ايتىپ, الاڭداۋشىلىق ءبىلدىردى. ساۋالناما ناتيجەسىنە سايكەس, ازاماتتاردىڭ 53 پايىزى بۇل وزگەرىستى قولدامايدى.
قىتاي تاراپى دا جاپونيانىڭ شەشىمىنە پىكىر ءبىلدىرىپ, ونى «جاڭا ۇلگىدەگى ميليتاريزاتسيا» دەپ اتاپ, مۇقيات باقىلاۋ جۇرگىزەتىنىن مالىمدەدى.
