فوتو: ءىىم
ىشكى ىستەر مينيسترلىگىنىڭ مالىمەتىنشە, وڭىردە تەرروريستىك تۇرعىدان وسال 675 نىسان انىقتالعان, ونىڭ ىشىندە 240-ى – ءبىلىم بەرۋ ۇيىمدارى. قازىرگى ۋاقىتتا مەكتەپتەردە, مەديتسينالىق كوللەدجدەردە جانە وزگە دە وقۋ ورىندارىندا انتيتەرروريستىك قورعالۋ دەڭگەيىنە كەشەندى تەكسەرۋلەر جۇرگىزىلىپ جاتىر.
تەكسەرۋ بارىسىندا بەينەباقىلاۋ جۇيەلەرىنىڭ ۇزدىكسىز جۇمىس ىستەۋى جانە ولاردىڭ جەدەل باسقارۋ ورتالىقتارىنا قوسىلۋى, سونداي-اق دابىل تۇيمەلەرىنىڭ بولۋى مەن جارامدىلىعى باستى نازارعا الىنعان. بۇدان بولەك, جەكە كۇزەت ۇيىمدارىنىڭ قىزمەت ساپاسى مەن قىزمەتكەرلەردىڭ توتەنشە جاعدايعا دايىندىعى دا ءجىتى قاداعالانادى.
ينتەرنەتتە انونيمدىلىك جوق: جالعان اقپارات تاراتقاندار جاۋاپقا تارتىلادى
سونىمەن قاتاh ءبىلىم بەرۋ ۇيىمدارىنىڭ باسشىلىعى مەن ۇجىمدارىنا پروفيلاكتيكالىق جانە ءتۇسىندىرۋ جۇمىستارى جۇرگىزىلىپ جاتىر.
پوليتسيا مالىمەتىنشە, بالالاردىڭ قاۋىپسىزدىگى – باستى باسىمدىق. وسىعان بايلانىستى بەينەباقىلاۋ جۇيەلەرىنە باقىلاۋ كۇشەيتىلىپ, پاترۋلدىك پوليتسيا باعىتتارى مەكتەپتەرگە بارىنشا جاقىنداتىلعان.
ۆەدومستۆو وكىلدەرى قوعامدىق ءتارتىپتى ساقتاۋ مەن وسكەلەڭ ۇرپاقتى قورعاۋ نەگىزگى مىندەتتەردىڭ ءبىرى بولىپ قالا بەرەتىنىن اتاپ ءوتتى. وڭىردەگى بارلىق ءبىلىم بەرۋ نىساندارىن كەشەندى تەكسەرۋ بەلگىلەنگەن مەرزىمدە اياقتالادى.
