جوبا ادامنىڭ ىشكى نۇرى تاقىرىبىن ارقاۋ ەتىپ, ءار سۋرەتشىنىڭ وزىندىك قولتاڭباسى, كوركەمدىك ءتاسىلى مەن بەينەلەۋ ەرەكشەلىگى ارقىلى تەرەڭ ماعىنا بەرەدى. ءتۇرلى ستيلدەر مەن باعىتتارعا قاراماستان, كورمە تۇتاس ءبىر كوركەم ويعا بىرىگىپ, جان تىنىشتىعى, ءۇمىت, رۋحاني تىرەك پەن ادام بولمىسىنىڭ تەرەڭ سەزىمدەرىن بەينەلەيدى.
كورمەنىڭ اشىلۋىنا جولداعان قۇتتىقتاۋىندا پرەمەر-ءمينيستردىڭ ورىنباسارى - مادەنيەت جانە اقپارات ءمينيسترى ايدا بالاەۆا مۇنداي مادەني جوبالاردىڭ حالىقتار اراسىنداعى رۋحاني بايلانىس پەن ءوزارا تۇسىنىستىكتى نىعايتۋداعى ماڭىزىن اتاپ ءوتتى.
«نۇر شاشۋ» كورمەسى – زاماناۋي بەينەلەۋ ونەرىنىڭ ۇزدىك تۋىندىلارىن بىرىكتىرگەن ماڭىزدى مادەني وقيعا. بۇل جوبا شىعارماشىلىق ىزدەنىس پەن رۋحاني ساباقتاستىقتى ايقىن كورسەتەدى. كورمەگە قازاقستان جانە قىرعىزستاننىڭ تانىمال سۋرەتشىلەرى قاتىسىپ وتىر. بۇل تەك ونەر تۋىندىلارىن تانىستىرۋ الاڭى عانا ەمەس, سونىمەن قاتار مادەنيەتتەر ديالوگىنىڭ, رۋحاني ۇندەستىكتىڭ جارقىن كورىنىسى», دەدى ول.
كورمەگە قاتىسۋشىلاردىڭ بارلىعى كەسكىندەمە جانرىندا جۇمىس ىستەگەنىمەن, ارقايسىسى تاقىرىپتى وزىنشە اشادى. ەكسپوزيتسيادا پورترەتتىك جانە پەيزاجدىق جۇمىستار, ابستراكتسيالىق ەلەمەنتتەر مەن ىشكى ۇيلەسىمدىلىككە نەگىزدەلگەن كوركەم شەشىمدەر توعىسقان.
كورمەنى 2026 جىلدىڭ 11 مامىرىنا دەيىن تاماشالاۋعا بولادى.
