الەم • 13 ءساۋىر, 2026

ترامپتىڭ مالىمدەمەسىنەن كەيىن مۇناي باعاسى كۇرت قىمباتتادى

1 مين

وقۋ ءۇشىن

الەمدىك مۇناي نارىعىندا باعا قايتادان شارىقتاپ, Brent ماركالى مۇناي قۇنى 100 دوللارلىق مەجەدەن استى. باعانىڭ كۇرت وسۋىنە اقش پرەزيدەنتى دونالد ترامپتىڭ ورمۇز بۇعازىن بۇعاتتاۋ تۋرالى مالىمدەمەسى تۇرتكى بولعان, دەپ حابارلايدى Egemen.kz.

شىڭعىس مۇقاەۆ

ترامپتىڭ مالىمدەمەسىنەن كەيىن مۇناي باعاسى كۇرت قىمباتتادى

فوتو: اشىق دەرەككوز

لوندون بيرجاسىنداعى ICE دەرەكتەرىنە سايكەس, Brent مۇنايىنىڭ ماۋسىمدىق فيۋچەرستەرى ءبىر تاۋلىك ىشىندە 7,27% ءوسىپ, استانا ۋاقىتىمەن 08:00-دە باررەلىنە 102 دوللاردان استى. ال WTI ماركالى مۇنايدىڭ مامىر ايىنداعى فيۋچەرستەرى 8,55% قىمباتتاپ, 104,83 دوللار/باررەل دەڭگەيىنە جەتتى. باعانىڭ بۇلاي قۇبىلۋىنا تاياۋ شىعىستاعى گەوساياسي جاعدايدىڭ ۋشىعۋى اسەر ەتىپ وتىر.

الەمدىك نارىقتا Brent ماركالى مۇنايدىڭ باعاسى باررەلىنە 103 دوللاردان استى

يران مەن اقش كەلىسسوزدەرى ناتيجە بەرمەدى.

11 ساۋىردە يسلامابادتا يران مەن اقش دەلەگاتسيالارى كەلىسسوز باستادى. الايدا تاراپتار ورتاق مامىلەگە كەلە المادى. اقش ۆيتسە-پرەزيدەنتى دجەي دي ۆەنستىڭ ايتۋىنشا, ۇزاققا سوزىلعان كەلىسسوزدەر ناتيجەسىز اياقتالىپ, امەريكالىق دەلەگاتسيا كەرى قايتقان.

ترامپ يران مۇنايىن يەمدەنگىسى كەلەدى

كەلىسسوزدەر ءساتسىز اياقتالعاننان كەيىن دونالد ترامپ اقش ورمۇز بۇعازى ارقىلى وتەتىن بارلىق كەمەلەردىڭ قوزعالىسىن شەكتەۋگە كىرىسەتىنىن مالىمدەدى. سونداي-اق ول اقش اسكەري-تەڭىز كۇشتەرىنە يرانعا تولەم جاساعان كەمەلەردى قاداعالاپ, قاجەت بولعان جاعدايدا توقتاتۋدى تاپسىرعان.

وسىلايشا, تاياۋ شىعىستاعى تەڭىز تاسىمالىنا قاتىستى تاۋەكەلدەر ايتارلىقتاي كۇشەيدى. بۇل جاعداي جاھاندىق مۇناي جەتكىزۋ تىزبەگىنە تىكەلەي قاۋىپ ءتوندىرىپ وتىر.