فوتو: عىلىم جانە جوعارى ءبىلىم مينيسترلىگىنىڭ فوتوسى
وتىنىشتەردى قابىلداۋ 25 ءساۋىر ساعات 23:59-عا دەيىن جالعاسادى. وسى ۋاقىت ارالىعىندا تالاپكەرلەر نەگىزگى ۇبت-نى ەكى رەت تاپسىرىپ, ەڭ جوعارى ناتيجەمەن گرانت كونكۋرسىنا قاتىسا الادى. تەستىلەۋ 10 مامىر مەن 10 شىلدە ارالىعىندا وتەدى.
نەگىزگى ۇبت-عا 2026 جىلعى مەكتەپ تۇلەكتەرى, كوللەدج تۇلەكتەرى, بىلتىرعى تۇلەكتەرى, شارتتى تۇردە وقۋعا قابىلدانعاندار, قانداستار جانە شەتەلدە ءبىلىم العان قازاقستان ازاماتتارى قاتىسا الادى.
ءوتىنىشتى تەستىلەۋ ورتالىعىنىڭ سايتىندا نەمەسە UTO.kz قوسىمشاسى ارقىلى بەرۋگە بولادى.
11–16 ءساۋىر ارالىعىندا ءوتىنىشتى ءبىر رەت بەرۋگە بولادى. 17–25 ءساۋىر ارالىعىندا تاعى ءبىر رەت نەمەسە العاشقى كەزەڭدە ۇلگەرمەگەندەر ءۇشىن ەكى رەت ءوتىنىش بەرۋگە مۇمكىندىك بار.
مىسالى, 11–16 ءساۋىر ارالىعىندا شىلدە ايىنا, ال 17–25 ءساۋىر ارالىعىندا مامىر ايىنا تىركەلۋگە بولادى. ەكى تاپسىرۋدىڭ اراسىندا ناقتى ۋاقىت شەكتەۋى جوق. بىراق ءبىر كۇندە ەكى رەت ۇبت تاپسىرۋعا بولمايدى.
2026 جىلعى مەكتەپ تۇلەكتەرى ءۇشىن نەگىزگى ۇبت تەگىن. ال باسقا قاتىسۋشىلار ءۇشىن تولەم قۇنى – 5640 تەڭگە. تولەمدى ءبىر ساعات ىشىندە جاساۋ قاجەت, ايتپەسە ءوتىنىش جويىلادى.
ءوتىنىش بەرۋ كەزىندە تالاپكەر ۇسىنىلعان نۇسقالاردان تەستىلەۋ كۇنىن, ۋاقىتىن جانە ورنىن ءوزى تاڭدايدى.
2026 جىلعى مەكتەپ تۇلەكتەرىنەن باسقا قاتىسۋشىلار ءۇشىن مىنا كۇندەر ۇسىنىلادى:
- 25 مامىر
- 2 ماۋسىم
- 5 ماۋسىم
- 9 ماۋسىم
- 12 ماۋسىم
- 15 ماۋسىم
ەگەر تالاپكەر شەكتى بالل جيناسا, نەگىزگى ۇبت سەرتيفيكاتىن گرانت كونكۋرسىنا دا, اقىلى وقۋعا تۇسۋگە دە پايدالانۋعا بولادى.
