سۋرەت:habr.com
قازىر قۇرىلىس الاڭدارىن باقىلاۋدا ۆيبروسەنسورلار مەن ميكروفوندى سەنسورلاردى قولدانۋعا باسىمدىق بەرىپ وتىرمىز. بۇل قۇرىلعىلار قاۋىپسىزدىك دەڭگەيىن ارتتىرىپ, ساپانى ناقتى باعالاۋعا مۇمكىندىك بەرەدى. سونىمەن قاتار توپىراق نەگىزدەرىن مودەلدەۋ ارقىلى ونىڭ وزگەرىسىن الدىن الا بولجاۋ, سۋ باسۋ قاۋپىن ەرتەرەك انىقتاۋ باعىتىندا زەرتتەۋلەر جۇرگىزەمىز.
ارنايى قۇرىلعىلاردى توپىراققا ەنگىزۋ ارقىلى ونىڭ ىلعالدىلىق دەڭگەيى مەن گيدروفيزيكالىق سيپاتتارىن ولشەيمىز. سونىڭ ناتيجەسىندە ىرگەتاستىڭ شوگۋ قاۋپىن ەرتە كەزەڭدە انىقتاۋعا جول اشىلادى. بۇل – قۇرىلىس ساپاسىن ارتتىرىپ قانا قويماي, اپاتتىڭ الدىن الۋعا مۇمكىندىك بەرەتىن ءتيىمدى ءتاسىل. قازىر وسى جوبالاردى عىلىمي ماقالاعا تۇجىرىمداپ, حالىقارالىق جۋرنالداردا جاريالايمىز. سونىمەن بىرگە بىرنەشە دوكتورانت پەن ماگيسترانتقا جەتەكشىلىك ەتىپ, عىلىمي كادر دايارلاۋ ىسىنە ۇلەس قوسىپ ءجۇرمىن.
عىلىم كۇنى – جاي عانا مەرەكە ەمەس. بۇل – ەلدىڭ بولاشاعىن بايىپتايتىن ماڭىزدى كۇن. بۇگىندە ەلىمىزدە عىلىمعا دەگەن كوزقاراس جاقساردى. جاس زەرتتەۋشىلەرگە جاعداي جاسالىپ, جاڭا مۇمكىندىكتەر اشىلىپ جاتىر. ەڭ باستىسى – عىلىمنىڭ ناتيجەسى قوعامعا قىزمەت ەتۋى كەرەك. ءبىز وسى ماقساتتا ەڭبەك ەتىپ كەلەمىز.
ەلبەك وتەپوۆ,
PhD, پروفەسسور
