وزەن جاعاسىندا ورنالاسقان ەلدى مەكەندەردىڭ تۇرعىندارى بۇل تابيعي قۇبىلىستى قىزىعۋشىلىقپەن باقىلاپ وتىر.
مامانداردىڭ ايتۋىنشا, كوپجىلدىق باقىلاۋ ناتيجەسىنە سايكەس, سوڭعى جىلدارى مۇز ءجۇرۋىنىڭ قارقىنى باسەڭدەپ كەلەدى. بۇعان اۋا تەمپەراتۋراسىنىڭ وزگەرۋى سەكىلدى ءتۇرلى فاكتورلار اسەر ەتىپ جاتىر. سونىمەن قاتار, وزەننىڭ 60-70 شاقىرىمدىق بولىگى قىس مەزگىلىندە تولىق قاتپايدى. وسىعان بايلانىستى ەرتىستە بۇرىنعىداي ءىرى مۇز كەپتەلىستەرى سيرەك بايقالادى.
مۇز ءجۇرۋ كەزەڭىندە توتەنشە جاعدايلار قىزمەتىنىڭ ماماندارى تاۋلىك بويى كەزەكشىلىك ۇيىمداستىرىپ, وزەندەگى سۋ دەڭگەيىنە ۇزدىكسىز مونيتورينگ جۇرگىزەدى.
ال مۇز تولىق وتكەننەن كەيىن پاۆلودار وڭىرىنە شىعىس ايماقتارداعى سۋ قويمالارىنان جىبەرىلەتىن سۋدىڭ ەداۋىر كولەمى كەلىپ تۇسەدى.
