جيىنعا قمدب توراعاسىنىڭ ورىنباسارى, نايب ءمۇفتي كەنجەتاي بايكەمەل ۇلى, قازاقستان قاجىلىق ميسسياسىنىڭ وكىلدەرى جانە قاجىلىق ساپارىن ۇيىمداستىرۋعا رۇقسات العان 14 تۋروپەراتوردىڭ باسشىلارى قاتىستى. كەزدەسۋدىڭ باستى ماقساتى – بيىلعى قاجىلىقتى وتانداستار ءۇشىن قاۋىپسىز, ساپالى ءارى قولايلى دەڭگەيدە ۇيىمداستىرۋ.
بيىل قاجىلاردى تاسىمالداۋ كونكۋرستىق نەگىزدە Air Astana, SCAT جانە ساۋد ارابياسىنىڭ Flyadeal اۋە كومپانيالارى ارقىلى جۇزەگە اسادى. رەيستەر الماتى, استانا جانە شىمكەنت قالالارىنان دجيددا مەن ماديناعا تىكەلەي ورىندالادى. قايتار جول دا وسى قالالاردان كەزەڭ-كەزەڭىمەن جوسپارلانعان. قاجىلىق ماۋسىمى 15 مامىر مەن 5 ماۋسىم ارالىعىندا وتەدى.
جيىن بارىسىندا قاجىلاردىڭ تۋركود ارقىلى ەلدەن شىعۋى, ۆاكتسيناتسيا تالاپتارى, ساۋد ارابياسىنىڭ زاڭدارىن ساقتاۋ, سونداي-اق قازاقستاندىق كۆوتاعا سايكەس ۇيىمداستىرۋ جانە شەتەل ازاماتتارىن تاسىمالداماۋ ماسەلەلەرى قارالدى. تۋروپەراتورلار تاراپىنان ۇسىنىستار مەن سۇراقتار دا ورتاعا سالىندى.
مەرەكە قارساڭىندا وتاندىق اۋە كومپانيالار رەيستەر سانىن كوبەيتتى
كەزدەسۋ قورىتىندىسىندا نايب ءمۇفتي كەنجەتاي بايكەمەل ۇلى قاجىلىقتى رۋحاني ءارى ۇيىمداستىرۋشىلىق تۇرعىدان جوعارى دەڭگەيدە وتكىزۋ – بارلىق تاراپ ءۇشىن باستى مىندەت ەكەنىن اتاپ ءوتتى.
