فوتو: ءىىم
ءىس-شارانى قالالىق پوليتسيا باسقارماسى وتكىزدى. باستى ماقسات – جاستار اراسىندا ەسىرتكىگە قارسى بەرىك كوزقاراس قالىپتاستىرۋ, قۇقىقتىق ساۋاتتىلىقتى ارتتىرۋ جانە تۇرعىنداردى قۇقىقبۇزۋشىلىقتاردىڭ الدىن الۋعا بەلسەندى تارتۋ. اكتسياعا تەحنيكالىق جانە كاسىپتىك ءبىلىم بەرۋ ۇيىمدارىنىڭ 500-دەن استام ستۋدەنتى, سونداي-اق ەرىكتىلەر مەن جاستار ۇيىمدارىنىڭ وكىلدەرى قاتىستى.
ىشكى ىستەر مينيسترلىگىنىڭ مالىمەتىنشە, اكتسيانىڭ نەگىزگى باعىتتارىنىڭ ءبىرى – ەسىرتكى جارناماسىن جويۋ. ورتاق كۇشتىڭ ناتيجەسىندە قالا اۋماعىندا تىيىم سالىنعان زاتتاردى ناسيحاتتايتىن ينتەرنەت-رەسۋرستارعا سىلتەمەلەرى بار 2 مىڭنان استام گراففيتي انىقتالىپ, تولىقتاي بويالىپ, جويىلدى.
ء«ىس-شارا بارىسىندا ەسىرتكى جارنامالارىن جويۋعا ەرەكشە نازار اۋدارىلدى. بىرلەسكەن جۇمىستىڭ ناتيجەسىندە 2 مىڭنان استام گراففيتي جويىلدى», دەدى قاراعاندى قالالىق پوليتسيا باسقارماسىنىڭ باستىعى شاحنازار سالين.
سونىمەن قاتار اكتسيا اياسىندا تۇرعىندارمەن كەڭ كولەمدە ءتۇسىندىرۋ-پروفيلاكتيكالىق جۇمىستار جۇرگىزىلدى. قالا تۇرعىندارىنا ەسىرتكىنىڭ زيانى, مۇنداي قىلمىستارعا قاتىسقانى ءۇشىن كوزدەلگەن جاۋاپكەرشىلىك, سونداي-اق ولاردىڭ تارالۋىنا توسقاۋىل قويۋ جولدارى جان-جاقتى ءتۇسىندىرىلدى. اقپاراتتىق-تانىمدىق ماتەريالدار تاراتىلدى.
پوليتسيا وكىلدەرى اكتسياعا بەلسەندى قاتىسىپ, ازاماتتىق ۇستانىم تانىتقان بارلىق قاتىسۋشىلارعا العىس ءبىلدىردى.
«ەسىرتكى قىلمىستارىنىڭ الدىن الۋ جانە ولارعا قارسى كۇرەس جۇمىستارى وڭىردە جۇيەلى تۇردە جالعاسادى», دەدى شاحنازار سالين.
جەتىسۋ وبلىسىندا ەسىرتكى دايىنداۋمەن اينالىسقان 2 شەتەلدىك ازامات ۇستالدى
